मागच्या शनिवारी म्हणजेच १४ ऑक्टोबरला भारत आणि पाकिस्तान यांच्यात सामना होता.या सामन्यांमध्ये भारताचा विजय झाला.हा सामना पाहण्यासाठी लाखोंची गर्दी झाली होती. यापैकी एक अभिनेत्री उर्वशी रौतेला होती.यावेळी, तिने भारताचा जोरदार जयजयकार केला होता, परंतु सामना संपेपर्यंत, अभिनेत्रीच्या चेहऱ्यावरील आनंद दुःखात बदलला कारण तिचा 24 कॅरेट सोन्याचा आयफोन हरवला होता. याची माहिती खुद्द अभिनेत्रीने सोशल मीडियावर दिली होती. आता पाच दिवसांनंतर उर्वशी रौतेलाने तिच्या फोनबाबत अपडेट शेअर केली आहे. हरवलेल्या फोनबद्दल उर्वशी रौतेलाने सोशल मीडियावर सांगितले आहे की, तिला फोन चोरी करणाऱ्या व्यक्तीचा मेल आला आहे. ज्या व्यक्तीने फोन चोरला त्याने अभिनेत्रीकडे मागणी केली असून तिने आधी त्याची मागणी पूर्ण केल्यास फोन परत मिळेल असे सांगितले आहे.
उर्वशी रौतेलाला ग्रोव ट्रेडर्सच्या नावाने एक मेल आला आहे, ज्याचा स्क्रीनशॉट अभिनेत्रीने तिच्या सोशल मीडियावर शेअर केला आहे ज्यावर लिहिले आहे – तुझा फोन माझ्याकडे आहे, जर तुम्हाला तो परत मिळवायचा असेल तर तुम्हाला माझी मदत कारवी लागेल . माझ्या भावाला कॅन्सर आहे आणि त्याच्यावर उपचारसाठी मदत करा. अभिनेत्रीने या पोस्टवर एक थम्प्स-अप साइन केले आहे, जे दर्शविते की ती त्यांना मदत करेल. उर्वशी रौतेलाचा हा आयफोन खूप खास होता. हा 24 कॅरेट सोन्याचा आयफोन होता. ती सोशल मीडियावर तिच्या फोनसोबत सेल्फी पोस्ट करत आहे. वर्क फ्रंटबद्दल बोलायचे झाले तर उर्वशी बिग बॉस OTT 2 विजेता एल्विश यादवसोबत एका म्युझिक व्हिडिओमध्ये दिसली होती. आता ही अभिनेत्री लवकरच अनेक मोठ्या प्रोजेक्टमध्ये दिसणार आहे.
