Vastu Tips : २०२४ हे वर्ष संपणार आहे. सरत्या वर्षाबरोबरच आपल्या जीवनातील समस्या आणि दुःख या वर्षातच संपावेत, असे प्रत्येकाला वाटते. नवीन वर्ष २०२५ (New Year 2025) हे प्रत्येकासाठीच आशादायी असून या वर्षी सुखसमृद्धी लाभावी आणि सर्व समस्या दूर व्हाव्या अशी प्रत्त्येकाची इच्छा आहे. वास्तुशास्त्रात (Vastushastra) अशा अनेक शुभ गोष्टी सांगितल्या आहेत, ज्या घरी आणल्याने दारिद्र्य दूर होते आणि सकारात्मक ऊर्जेचा संचार होतो. या वस्तू घरात ठेवल्याने पैशाची कमतरता भासत नाही. चला तर मग जाणून घेऊया कोणत्या आहेत वस्तू .
नारळ : अनेकांच्या घरात ठेवलेला छोटा नारळ तुम्ही पाहिलाच असेल. त्याला लहान नारळ किंवा श्रीफळ असेही म्हणतात. हा नारळ निःसंशयपणे आकाराने लहान असला तरी घरातील मोठ्या अडचणी दूर करण्याची ताकद यात आहे.
धातूचे कासव : नवीन वर्ष संपण्यापूर्वी लहान धातूचे कासव घरी आणावे. चांदी, पितळ किंवा ब्राँझपासून बनवलेले कासव घरी ठेवू शकता. कासव हा भगवान विष्णूचा कूर्म अवतार मानला जातो. हे घरी किंवा व्यवसायाच्या ठिकाणी ठेवणे खूप शुभ असते.
कवड्या : २०२४ वर्ष संपण्यापूर्वी तुम्ही घरात कवड्या आणू शकता. लाल कपड्यात बांधून घराच्या मुख्य दारात बांधल्याने नकारात्मक ऊर्जा प्रभावित होत नाही.
पाण्याचे भांडे : नवीन वर्ष सुरू होण्यापूर्वी तुम्ही मातीचे भांडेही घरी आणू शकता. या भांड्यात पाणी उत्तर दिशेला ठेवल्याने घरातील आर्थिक समस्या दूर होतात.
धातूचा हत्ती : धातूपासून बनवलेल्या हत्तीची मूर्ती घरात ठेवणे खूप शुभ मानले जाते. यामुळे सकारात्मक ऊर्जा प्रवाहित होते आणि वाईट शक्तींचा नाश होतो. यावेळी नवीन वर्षासाठी, घन चांदीच्या धातूची हत्तीची मूर्ती खरेदी करा. हत्ती घरात ठेवल्याने घरात शांती आणि समृद्धी राहते.
मोरपंख : भगवान श्रीकृष्णाचे सर्वात प्रिय मोरपंख ज्या घरात असते तेथे माता लक्ष्मी वास करते. जर तुम्हाला तुमचे नवीन वर्ष आनंदाने भरायचे असेल तर घरात मोराची पिसे जरूर आणा, पण फक्त १ ते ३ मोराची पिसे असावीत.
शंख : घरात मोती शंख ठेवल्याने सुख-समृद्धी नांदते. तसेच पैशाची कधीही कमतरता भासत नाही. नवीन वर्षाच्या मुहूर्तावर शंख खरेदी कारून, पूजा केल्यानंतर तिजोरीत ठेवा. असे केल्याने प्रगतीचे नवे मार्ग खुले होतात.
तुळशीचे रोप : नवीन वर्षाच्या पहिल्या दिवाशी शुभ मुहूर्तावर कोणत्याही प्रकारचे इनडोअर रोप लावणे शुभ मानले जाते. अशा परिस्थितीत जर तुम्ही घरात तुळशीचे रोप लावले तर तुम्हाला सकारात्मक परिणाम मिळतील. असे केल्यास वर्षभर तुमच्या घरात सुख-शांती नांदेल.
