तरुण भारत न्युज : मराठी मनोरंजनविश्वातील ज्येष्ठ अभिनेत्री शांता तांबे यांच वयाच्या 90व्या वर्षी वृद्धापकाळाने निधन झाले. असून यांच्या निधनामुळे मनोरंजन विश्वावर शोककळा पसरली आहे. त्यांनी मराठी नाटकांमधून आपल्या अभिनय कारकीर्दीची सुरुवात केली होती. त्यांनी अनेक नाटकांमधून विविध भूमिका साकारल्या होत्या. आपल्या सहज सुंदर अभिनयाने त्यांनी सगळ्यांच्याच मनावर खोलवर छाप सोडली होती.
मराठी चित्रपटातून देखील त्या प्रेक्षकांच्या भेटीला आल्या होत्या.घराची परिस्थिती बेताची असल्याने त्यानी संसाराला हातभार लावला . मोहित्याची मंजुळा, मर्दानी ,भाग्याची, मोलकरीण, आई पाहिजे, दोन बायका फजिती ऐका अशा चित्रपटांमध्ये त्यांनी महत्त्वपूर्ण भूमिका साकारल्या होत्या. भालजी पेंढारकर, दिनकर पाटील, अनंत माने त्यानी नावाजलेल्या दिगदर्शक लोकांसोबत काम केले . बहुरंगी भूमिका साकारून त्यांनी प्रेक्षकांचे मनोरंजन केले होते. त्यांनी आपल्या दमदार अभिनयाने प्रेक्षकांची मने जिंकून घेतली होती.
