Weight Loss : बदलती जीवनशैली, कामाचा ताण, इतर कौटुंबिक जबाबदाऱ्यांमुळे अनेकांना विविध आजारांनी ग्रासलंय. वाढलेले वजन किंवा लठ्ठपणा आपल्या शरीरात रोगांचे घर बनवते. वजन वाढले की आपल्या शरीरात अनेक आजारांचा धोका वाढतो. म्हणूनच, असा सल्ला दिला जातो की शारीरिकदृष्ट्या सक्रिय राहून आणि योग्य आहाराद्वारे तंदुरुस्त राहणे फार महत्वाचे आहे. असे असूनही खाण्यापिण्याच्या चुकीच्या सवयी आणि चुकीच्या जीवनशैलीमुळे लोक लठ्ठपणाचे किंवा वाढलेल्या वजनाला बळी पडतात. भारतीय लोक वजन कमी करताना अशा काही चुका पुन्हा करतात, ज्यामुळे त्यांना बराच काळ त्रास होतो. यामुळे बॉडी क्लॉक सिस्टीमही बिघडते. वजन कमी करण्याच्या अशाच काही चुकांबद्दल जाणून घ्या…
पुरेशी झोप न मिळणे
वजन कमी करण्यासाठी, आपल्या शरीराला विश्रांती देणे आवश्यक आहे. वास्तविक, पुरेशी झोप न मिळाल्याने शरीराच्या ऊर्जेवर वाईट परिणाम होतो. अशा परिस्थितीत, तुम्हाला निराश वाटते आणि वजन कमी करण्याच्या वेळापत्रकासाठी स्वतःला योग्यरित्या तयार करता येत नाही. त्यामुळे वजन वाढण्याचीही तक्रार असू शकते, असे सांगितले जाते. याशिवाय वजन कमी न झाल्यामुळे लोक ताणतणाव घेतात. यामुळे, व्यक्ती योग्यरित्या लक्ष केंद्रित करू शकत नाही आणि सर्वोत्तम परिणाम प्राप्त होत नाहीत.
रात्रीचे जेवण वगळणे
ज्यांना वजन कमी करायचे आहे त्यांच्यामध्ये उपवास सर्वात सामान्य आहे. अधूनमधून उपवास करणे, केटो आहार किंवा इतर आहाराच्या टिपांचे पालन करणे सामान्य आहे. काही लोक रात्रीचे जेवणही सोडून देतात. त्यांना असे वाटते की, रात्रीचे जेवण वगळल्याने त्यांचे शरीर योग्यरित्या डिटॉक्सिफाय करण्यास सक्षम आहे. हे एक मिथक सिद्ध होऊ शकते, कारण कोणत्याही तज्ज्ञाच्या सल्ल्याशिवाय असे केल्याने शरीरात पोषक तत्वांची कमतरता होऊ शकते. तज्ज्ञांचे म्हणणे आहे की, उपवास किंवा जेवण वगळल्याने शरीरात आवश्यक पोषक तत्वांची कमतरता निर्माण होते. अशा स्थितीत चक्कर येणे, मूर्च्छा येणे किंवा अशक्तपणा येतो.
बॉडी क्लॉक सिस्टीममध्ये व्यत्यय आणणे
काही लोक वजन कमी करण्यासाठी किंवा फिट राहण्यासाठी जिममध्ये जातात, पण त्याची वेळ बदलणे चुकीचे आहे. कधी सकाळी किंवा कधी संध्याकाळी जिममध्ये जाण्याने बॉडी क्लॉक सिस्टीम बिघडते. यामध्ये शरीराला ज्या गोष्टींचा वापर केला जातो ते खराब होऊन त्यावर दबाव येतो. असे केल्याने हार्मोनल बदल देखील होतात, ज्यामुळे शरीरात समस्या उद्भवू शकतात. जिम किंवा व्यायामासाठी समान वेळ ठेवणे चांगले. आहाराच्या बाबतीतही असेच घडते.
