---Advertisement---
गेल्या काही दिवसांत भारतीय शेअर बाजारात अस्थिरता दिसून येत असून बाजारात सातत्याने घसरण होताना दिसत आहे. तर सोन्याच्या किमती सतत वाढत आहे तरी आज बाजार उघडण्यापूर्वी खालील महत्त्वाचे मुद्दे लक्षात ठेवणे महत्त्वाचे आहे.
मंगळवारी अमेरिकन बाजारांमध्ये चढ-उतार दिसून आले आहे. सुरुवातीच्या वाढीनंतर, डाउ जोन्स २५० अंकांनी घसरला आणि फक्त ३५ अंकांच्या किरकोळ वाढीसह बंद झाला, तर नॅस्डॅक सलग तिसऱ्या दिवशी २५० अंकांनी घसरला आणि दिवसाच्या नीचांकी पातळीवर बंद झाला.
सोन्याने नवा विक्रम केला
जागतिक बाजारात सोन्याच्या किमतीने २९७३ डॉलर्सचा नवा उच्चांक गाठला, तर चांदी सलग तिसऱ्या दिवशी घसरली आणि ३३ डॉलर्सच्या खाली राहिली. देशांतर्गत बाजारातही सोन्याची चमक कायम राहिली, आणि २०० रुपयांनी वाढून ८६,२०० रुपयांच्या वर बंद झाली.
ट्रम्प यांच्या विधानामुळे व्यापार तणाव वाढला
अमेरिकेचे माजी राष्ट्राध्यक्ष डोनाल्ड ट्रम्प यांनी पुढील महिन्यापासून मेक्सिको आणि कॅनडावर २५% कर लादण्याचे संकेत दिले आहेत. त्यांनी सांगितले की हे कर वेळेवर लागू केले जातील, ज्यामुळे अमेरिकेच्या व्यापार संबंधांवर परिणाम होऊ शकतो.
सरकारी बँकांवरील सरकारची नवीन रणनीती
सार्वजनिक क्षेत्रातील बँकांच्या निर्गुंतवणुकीबाबत केंद्र सरकार सक्रिय झाले आहे. सरकारने निवडक सरकारी बँकांमधील हिस्सा विकण्याची प्रक्रिया वेगवान केली आहे आणि त्यासाठी मर्चंट बँकर्सकडून बोली मागवल्या आहेत. यातून सरकारला अतिरिक्त महसूल मिळण्याची अपेक्षा आहे.
