जळगाव : शहरातील खोटेनगर येथे वाटिका आश्रमाजवळ आज दुपारी अडीच वाजेदरम्यान दोन चारचाकी वाहनामध्ये अपघात झाला. या अपघतात पाच जण जखमी झाले असून एकाची प्रकृती चिंताजनक असल्याचे सांगण्यात येत आहेत. त्यांना उपचारार्थ जिल्हा रुग्णालयात दाखल करण्यात आलेय.
मिळालेल्या माहितीनुसार, जळगाव शहरातील रहिवासी नंदनी विनोद पाटील, सचिन सुनील पाटील, विनोद सोपान पाटील, प्रतीक्षा सचिन पाटील, देवांश सचिन पाटील हे गाडी (क्रं. एम एच १२ डीएस २१८६) इंडिकाने जळगावरून एरंडोलला नातेवाईकांकडे जात होते.
दरम्यान, खोटेनगर येथील वाटिका आश्रमा जळण दुपारी २:४५ सुमारास समोरून येणारी पिकअप वाहन क्र. एमएच १८ ए ए ६०४२ भरधाव वेगात जळगावकडे येत असताना दोघांमध्ये समोरासमोर धडक झाली. यात जळगाव शहरातील रहिवासी नंदनी विनोद पाटील, सचिन सुनील पाटील, विनोद सोपान पाटील, प्रतीक्षा सचिन पाटील, देवांश सचिन पाटील हे जखमी झाले. त्यांना उपचारार्थ जिल्हा सामान्य रुग्णालयात दाखल करण्यात आले असून, यात एकाची प्रकृती चिंताजनक असल्याचे समजते.
दरम्यान, दोन दिवसांपूर्वी याच परिसरातील महामार्गावर तीन जणांचा दुर्दैवी अपघात झाल्याची घटना घडली होती. यात तीन जणांचा मृत्यू झाला होता. अशातच आज पुन्हा हा अपघात झाला आहे.
