धरणगाव: तालुक्यातील पाळधी येथील जैन कंपनीसमोर प्रवासी रिक्षा आणि दुचाकी यांच्या समोरासमोर धडक झाली व दोन्ही वाहनांवरील या अपघातात ५ जण गंभीर जखमी झाल्याचे पाहिला मिळाले हा अपघात बुधवारी ६ मार्च रोजी सकाळी ८ वाजेच्या सुमारास झाला. जखमींना शासकीय वैद्यकीय महाविद्यालयात उपचारार्थ दाखल करण्यात आले आहे. याबाबत पोलीसात कोणतीही नोंद करण्यात आली आहे.
मिळालेल्या माहितीनुसार, धरणगाव तालुक्यातील पाळधी येथून प्रवाशी रिक्षा भरून जळगाव शहराकडे निघाली असतांना जैन कंपनीसमोरील राष्ट्रीय महामार्गावर प्रवाशी रिक्षा आणि दुचाकीच्या झालेल्या अपघातात दुचाकीस्वारसह रिक्षाचालक आणि तीन प्रवाशी असे एकुण ५ जण गंभीर जखमी झाल्याची घटना बुधवारी ६ मार्च रोजी सकाळी ८ वाजता घडली. हा अपघात घडल्यानंतर जखमींना तातडीने जळगाव येथील शासकीय वैद्यकीय महाविद्यालयात उपचारार्थ दाखल करण्यात आले आहे. या घटनेबाबत पोलीसात अद्याप कोणतीही नोंद करण्यात आलेली नाही.
