तरुण भारत लाईव्ह । १४ ऑक्टोबर २०२३। आजकाल अपघाताचे प्रमाण वाढत चालले असून अपघातात मृत होणाऱ्यांची संख्या पण वाढत आहे. अशातच जळगावातील पाळधी तालुक्यात दुचाकीला एका वाहनाने जोरदार धडक दिली. या अपघातात एका महिलेचा जागीच मृत्यू झाला असून दुचाकीस्वार गंभीर जखमी झाला आहे.
सूत्राने दिलेल्या माहितीनुसार, दिलीप भिकन माळी हे आपल्या परिवारासोबत पारोळ्यात वास्तव्यास आहे. दिलीप भिकन माळी हे आपल्या आत्यासोबत जळगाव मध्ये येत असताना सकाळी ९ वाजेच्या दरम्यान पाळधी जवळ असलेल्या पोखरी तांड्याजवळ मागून येणाऱ्या दुचाकीने त्यांना जोरदार धडक दिली या भीषण अपघातात त्यांच्या डोक्याला गंभीर दुखापत झाली असून उपचारादरम्यान त्यांचा मृत्यू झाला.
दिलीप भिकन माळी हे या अपघातात गंभीर जखमी झाले असून त्यांच्यावर उपचार सुरु आहेत. दिलीप भिकन माळी यांनी दिलेल्या तक्रारीवरून अनोळखी दुचाकी चालकाविरोधात गुन्हा दाखल करण्यात आला आहे.
