यावल : यावल-भुसावळ रस्त्यावर पेट्रोल पंपासमोर एका दुचाकीला समोरून येणाऱ्या दुसऱ्या दुचाकीने धडक दिल्याने या अपघातामध्ये ३२ वर्षीय तरुण गंभीर जखमी झाला. अपघात प्रकरणी अज्ञात मोटरसायकल चालकाविरुद्ध यावल पोलिस ठाण्यात अपघाताचा गुन्हा दाखल करण्यात आला.
यावल-भुसावळ रस्त्यावरील पेट्रोल पंपाजवळ केतन हरी पारधे (३२) हा तरुण मोटरसायकल (क्रमांक एम.एच.१९ सी.ए.१९७५) व्दारे यावलकडून भुसावळकडे जात असताना समोरून भरधाव वेगात मोटरसायकल (क्रमांक एम.एच.१९ डी.झेड. ३५२८) आल्याने तिने केतन पारधे यांच्या दुचाकीला धडक दिली. या अपघातात पारधे यांच्या डोक्याला व हाताला जबर दुखापत झाली. जखमी अवस्थेत त्यांना रुग्णालयात दाखल करण्यात आले. अपघात प्रकरणी यावल पोलिसात केतन पारधे यांच्या फिर्यादीवरून अज्ञात दुचाकी चालकाविरुद्ध गुन्हा दाखल करण्यात आला. तपास पोलिस निरीक्षक राकेश मानगावकर यांच्या मार्गदर्शनाखाली सहायक फौजदार विजय पाचपोळ करीत आहे.
