जळगाव: यावल तालुक्यातील डांभुर्णी येथे शेतात रोटावेटर करीत असताना चालकाचा तोल जाऊन पडल्याने रोटावेटरमध्ये अडकून मृत्यू झाला. विजय जानकीराम कोळी असे मृताचे नाव असून याबाबत यावल पोलिसात नोंद करण्यात आली आहे.
मिळालेल्या माहितीनुसार, जळगाव जिल्ह्यातील यावल तालुक्यातल्या डांभुर्णी येथील शिवारात रोटावेटर मध्ये अडकून एका 35 वर्षीय शेतमजुराचा मृत्यू झाल्याची धक्कादायक घटना समोर आली असून ट्रॅक्टर द्वारे शेतात रोटावेटर फिरवत असताना ट्रॅक्टरवरून तोल गेल्याने रोटावेटर खाली येऊन ही दुर्दैवी घटना घडली आहे. सदर घटनेमुळे डांभुर्णी गावात शोककळा पसरली असून याप्रकरणी यावल पोलिसांत अकस्मात मृत्यूची नोंद करण्यात आली आहे..
