अमरावती नागपूर महामार्गावर शिवशाही बसला भीषण अपघात झाल्याची घटना समोर आलीय. गाईला वाचवण्याच्या प्रयत्नात शिवशाही बसचा अपघात झाल्याचे बोललं जात आहे. या अपघातात 28 प्रवासी जखमी झाले आहे.
मिळालेल्या माहितीनुसार, अमरावती-नागपूर महामार्गावर आज सकाळच्या सुमारास एका शिवशाही बसला भीषण अपघात झाला. एक गाय या बसच्या मध्ये आली. यावेळी बस चालकाने गाईला वाचवण्याचा प्रयत्न केला. मात्र त्याचे बसवरील नियंत्रण सुटले आणि बस रस्त्याच्या कडेला पलटी झाली. बसमध्ये एकूण 35 प्रवाशी प्रवास करत होते. त्यापैकी 28 प्रवासी जखमी झाले आहेत. तर एका प्रवाशाचा मृत्यू झाला झाल्याची माहिती समोर आलीय.
या अपघातामुळे अमरावती-नागपूर महामार्गावर मोठी वाहतूक कोंडी झाली आहे. सध्या या अपघातात जखमी झालेल्या प्रवाशांना रुग्णालयात दाखल करण्यात आले आहे. सध्या या जखमींवर रुग्णालयात उपचार सुरु आहेत.
