जळगाव : जळगाव शहरात अपघाताचे प्रमाण हे वाढत आहे. अश्यातच अपघाताची एक बातमी समोर आली आहे. भरधाव डंपरने क्रूझरला दिलेल्या धडकेत तीन ठार झाले असून चार जर जखमी झाले आहेत. हा अपघात सकाळी बांभुरी महामार्ग जवळ घडला. या अपघाताने परिसरात हळहळ व्यक्त होत आहे.
मिळलेल्या माहितीनुसार, जळगावातील साईनगर भागात शिव मंदिर बांधण्यात आले असून, या मंदिरातील शिवलिंग घेण्यासाठी शुक्रवारी सकाळी सहा वाजता क्रुझर गाडीने ओंकारेश्वरला निघाले होते. मात्र घरापासून अवघ्या पाच मिनिटांचा अंतरावरच बांभोरी गावाजवळ समोरून येणार्‍या डंपर ने क्रुझरला दिलेल्या जोरदार धडकेत, भीषण अपघात झाला. त्यामध्ये तीन जणांचा जागीच मृत्यू झाला. तर चार जण गंभीर जखमी आहेत. मृत झालेल्यांमध्ये विजय चौधरी तुषार जाधव व भूषण खंबायत यांचा समावेश आहे. तर चार जण गंभीर जखमी झाले असून, त्यांच्यावर खाजगी रुग्णालयात उपचार सुरू आहेत.
