जळगाव : जर तुम्ही सोने खरेदी करण्याचा विचार करत असाल तर तुमच्यासाठी एक वाईट बातमी आहे. आंतरराष्ट्रीय बाजारातील तेजीच्या पार्श्वभूमीवर शुक्रवारी देशांतर्गत बाजारात सोन्याचे दर पुन्हा एकदा वाढले आहेत. देशांतर्गत बाजारात आठवड्याच्या शेवटच्या दिवशी सोन्याचा भाव 700 रुपयांनी वाढला आहे. दिल्लीत 10 ग्रॅम सोन्याचा दर 74,180 रुपये आहे. सोन्याच्या किमतीत वाढ झाल्याने तो पुन्हा एकदा 75,000 रुपयांवर पोहोचण्याच्या तयारीत आहे. त्याचबरोबर चांदीचा दरही उच्चांकी पातळीवर व्यवहार करत आहे. चांदी 89,200 रुपयांवर व्यवहार करत आहे.
जळगावातील दर
गुरुवारी जळगाव सुवर्णपेठेत देखील चांदीच्या दरात तब्बल १ हजार रुपयापर्यंतची वाढ दिसून आली. तर सोने दरात ४०० रुपयाची वाढ झाली. यामुळे आता २४ कॅरेट सोन्याचा दर विनाजीएसटी ७३,८०० रुपये प्रति १० ग्रॅमवर आला आहे. दुसारिखे चांदीचा दर ८६००० रुपयावर गेला आहे.
