Jalgaon Accident News : ‘त्या’ अपघातातील जखमी तरुणीची मृत्यूशी झुंज अपयशी

रश्मी तेरवडीया या एका खासगी कंपनीत नोकरीस होत्या. त्यांच्या कुटुंबियांना अनेक अडचणी येत असल्याने संजय तेरवडीया यांनी ग्रहशांती करण्यासाठी नातेवाईकांसह जाण्याचा निर्णय घेतला होता. त्यासाठी अमळनेर येथे धार्मीक विधी करण्यासाठी तेरवडीया व दालवाले कुटुंबिय हे मंगळग्रह मंदिरात जाण्यासाठी जळगावात आले होते.

संजय तेरवडीया यांचा मुलगा राहुल हा देखील कुटुंबियांसोबत मंगळग्रह मंदिरात दर्शनासाठी येणार होता. मात्र, त्याला सुट्टी मंजूर न झाल्यामुळे त्याचे येणे अचानक रद्द झाले होते. त्यामुळे आई वडीलांसह बहिण हे तिघेच आल्यामुळे राहुल हा या अपघातातून बचावला. वडिलांसह बहिणीचा मृत्यू झाल्यामुळे राहुलसह त्याच्या कुटुंबियांवर दुःखाचा डोंगर कोसळला आहे.