---Advertisement---
अमळनेर : अनुभव हा आपल्या आयुष्यातील मोठा गुरू असतो. जीवनात अनेक चुकीच्या गोष्टींना विनाकारण सामोरे जावे लागते, मात्र त्याला सकारात्मक घ्या. सकारात्मक दृष्टिकोन माणसाला आयुष्यात यशस्वी ठरवतो, असे प्रतिपादन उपविभागीय पोलीस अधिकारी विनायक कोते यांनी केले.
गुरुपौर्णिमेनिमित्त अमळनेर येथील इंदिराभुवनात पोलीस महानिरीक्षक नाशिक परिक्षेत्र नाशिक यांच्या संकल्पनेतून, पोलीस अधीक्षक जळगाव व अप्पर पोलीस अधीक्षक चाळीसगाव यांच्या मार्गदर्शनाने तसेच उपविभागीय पोलीस अधिकारीअमळनेर यांच्या प्रमुख उपस्थितीत पोलीस निरीक्षक दत्तात्रय निकम यांनी तालुक्यातील प्राथमिक, माध्यमिक शाळांचे मुख्याध्यापक व शिक्षक यांचा सन्मान सोहळा आयोजित करण्यात आला. यावेळी ते अध्यक्षीय भाषणातून बोलत होते.
शिक्षक हा समाज घडवणारा घटक आहे. चांगल्या वाईट गोष्टींची जाणीव करून देणारा दुवा आहे. शिक्षक आहेत म्हणून जग टिकून आहे, म्हणून त्यांच्या ऋणातून उतराई होण्यासाठी गुरूंचा सन्मान हा एक प्रयत्न आहे, असे मत पोलीस निरीक्षक दत्तात्रय निकम यांनी व्यक्त केले.
यांचा सन्मान
यावेळी मागील काळात आदर्श शिक्षक पुरस्कार प्राप्त व दिव्यांग शिक्षकांचा सत्कार करण्यात आला. विस्तार अधिकारी प्रमोद पाटील , मुख्याध्यापक संघाचे तालुकाध्यक्ष तुषार बोरसे , प्रमोदिनी पाटील, मारवड पोलीस स्टेशनचे एपीआय जीभाऊ पाटील , एपीआय रवींद्र पिंगळे , एपीआय सुनील लोखंडे, पोलीस उपनिरीक्षक नामदेव बोरकर , फिरोज बागवान, गणेश पाटील, अशोक साळुंखे, चंद्रकांत पाटील, विनोद भोई, मिलिंद सोनार, लक्ष्मीकांत शिंपी, अमोल पाटील, सिद्धांत शिसोदे, प्रशांत पाटील , जितेंद्र निकुंभे, नितीन कापडणे, शेखर साळुंखे आदी उपस्थित होते.
