---Advertisement---
जळगाव : जिल्ह्यात एक अल्पवयीन मुलगी गर्भवती असल्याचा धक्कादायक प्रकार उघडकीस आला आहे. तिचे वय फक्त १३ वर्षे असून, ती पाच महिन्यांची गर्भवती आहे. संतापजनक म्हणजे, मुलीच्या या अवस्थेसाठी जबाबदार असलेला नराधम हा तिचाच मित्र असल्याचे समोर आले आहे. या प्रकरणी पीडितेच्या आईने दिलेल्या फिर्यादीनुसार पारोळा पोलीस ठाण्यात गुन्हा दाखल करण्यात आला आहे.
पोलीस सूत्रानुसार, पारोळा तालुक्यातील एका गावात १३ वर्षीय मुलगी आपल्या कुटुंबियांसह वास्तव्याला आहे. दरम्यान, १ फेब्रुवारी ते ३१ मार्च २०२५ या कालावधीत पारोळा येथील शाळेतून घरी येत असताना तिची पारोळा बसस्थानकावर एका मुलासोबत ओळख झाली.
---Advertisement---
या ओळखीचा फायदा घेत त्याने पीडित मुलीला आपल्या दुचाकीवर बसवून शहरातील एका हॉटेलमध्ये नेत तिच्यावर अत्याचार केला. हा प्रकार फेब्रुवारी २०२५मध्ये घडला होता. त्यानंतर काही दिवसांनी पुन्हा त्या नराधमाने मुलीला दुसऱ्या एका हॉटेलवर नेत तिच्यावर दुसऱ्यांदा अत्याचार केला.
गेल्या काही दिवसांपासून पीडित मुलीला पोटदुखीचा त्रास होत होता. त्यामुळे तिला जळगाव येथील जिल्हा शासकीय वैद्यकीय महाविद्यालयात उपचारासाठी दाखल करण्यात आले. तिथे डॉक्टरांनी तिची तपासणी केली असता ती पाच महिन्यांची गर्भवती असल्याचे दिसून आले. या प्रकरणी मुलीच्या आईने दिलेल्या फिर्यादीनुसार पारोळा पोलिस ठाण्यात एकाविरुद्ध गुन्हा दाखल करण्यात आला आहे.
