---Advertisement---
Jalgaon Accident : डंपरवरील चालकाने रस्त्याच्या परिस्थितीकडे दुर्लक्ष करत भरधाव वेगात आणत दुचाकीला धडक दिली. या अपघातात मामासह त्याची चार वर्षीय भाची गंभीररित्या जखमी झाली. गुरुवारी (२७ नोव्हेंबर) दुपारी साडेचार वाजेच्या सुमारास ही घटना शहरातील अजिंठा चौक परिसरात घडली.
पवन शांताराम सुर्यवंशी (वय ३३. रा. गजानन पार्क, कुसुंबा) हे त्यांची भाची वैष्णवी वानखेडे (वय ४ वर्ष) हिला दुचाकीवर बसवून कुसुंबा येथुन शहरात येत होते. अजिंठा चौकातून दुचाकी जात असताना डंपर (एमएच १९ सीवाय ९३२५) वरील चालकाने भरधाव वेगात वाहन आणत दुचाकीच्या उजव्या बाजुला जोराने धडक दिली. या अपघातात पवन सुर्यवंशी यांच्या दोन्ही पायांना तसेच कमरेला गंभीर दुखापत झाली. त्यांची भाची वैष्णवी हिच्या दोन्ही पायांना दुखापत झाली. दुचाकीचे नुकसान झाले.
प्रत्यक्षदर्शीनी घटनास्थळी धाव घेत जखमींना रस्त्याच्या कडेला नेले. प्रकार कळताच पोलीस निरीक्षक बबन आव्हाड यांनी धाव घेतली. दोघांना शासकीय वैद्यकीय म हाविद्यालय व रुग्णालयात हलविले. याप्रकरणी तक्रारीनुसार याप्रकरणी जिल्हापेठ पोलीस ठाण्यात डंपर चालकाविरोधात गुन्हा करण्यात आला. पोलीस नाईक दाखल हेमंत जाधव हे तपास करीत आहेत.
अजिंठा चौक नेहमी वर्दळीचा
अजिंठा चौक हा नेहमी वर्दळीत व्यस्त असतो. एमआयडीसी, कुसुंबा, तसेच संभाजीनगरकडे येणाऱ्या जाणाऱ्या वाहनांची दिवसभर वर्दळ असते. शहरातीन नेरी नाकाकडून येणारे जाणारे वाहने, याच चौकातून जात येत असतात. बऱ्याच वेळा वाहन पुढे काढण्याच्या पध्दतीतून वाहनांना अडथळा निर्माण होऊन वाहतूकीत अडथळा निर्माण होतो. शिस्त आणि संयमतेचा अभावातून अशा प्रकारातून अपघात होण्याची शक्यता वाढते.
