मध्य प्रदेशातील ग्वाल्हेर शहरातील माधोगंज पोलिस स्टेशन परिसरातील रहिवासी असलेल्या २३ वर्षीय तरुणीचे लग्न २०२३ मध्ये एका खाजगी कंपनीत सेल्समन म्हणून काम करणाऱ्या अतुल सोबत झाले होते. लग्नानंतर, अतुल अनेकदा तासनतास मोबाईलवर व्यस्त असायचा आणि घराबाहेर पडल्यानंतरच बोलत असे. या हालचालींमुळे त्याच्या पत्नीला संशय आला. विचारपूस केली असता, अतुलने सांगितले की त्याला कंपनीकडून फोन येतात.
याशिवाय, नवऱ्याने मोबाईल लॉक ठेवणे, रात्री उशिरापर्यंत इन्स्टाग्राम आणि व्हॉट्सअॅपवर चॅट करणे आणि बहुतेक वेळ घराबाहेर राहणे यामुळे नवविवाहित महिलेला त्रास होऊ लागला.
पत्नीला संशय आल्यावर तिने तिच्या बहिणीच्या आयडीचा वापर करून एक सिम कार्ड खरेदी केले आणि बनावट नावाने इंस्टाग्राम अकाउंट तयार केले आणि एका सुंदर मुलीचा डीपी टाकला. मग तिने त्याच आयडीवरून तिच्या पतीला फ्रेंड रिक्वेस्ट पाठवली. पती अतुलने लगेच विनंती स्वीकारली आणि तासन्तास गप्पा मारू लागला. दोघांमधील चर्चा सुमारे दोन महिने सुरू राहिल्या. अतुलला संशय येऊ नये म्हणून, जेव्हा जेव्हा बोलण्याची गरज पडायची तेव्हा पत्नी त्याला तिच्या बहिणीशी व्हॉइस कॉलवर बोलायला लावायची.
शेवटी, तिच्या पतीला रंगेहाथ पकडण्यासाठी, पत्नीने तिची सोशल मीडिया प्रेयसी असल्याचे भासवले आणि त्याला एका रेस्टॉरंटमध्ये भेटण्यास सांगितले. अतुलने लगेच होकार दिला आणि भेटायला आला. पण जेव्हा त्याने त्याच्या इंस्टाग्राम गर्लफ्रेंडऐवजी त्याची पत्नी पाहिली तेव्हा त्याला धक्काच बसला.
नवरा अजूनही आपल्या पत्नीला खोटे सांगत होता की तो एका क्लायंटला भेटायला आला आहे. पण जेव्हा पत्नीने चॅट हिस्ट्री दाखवली तेव्हा त्याचा खोटेपणा उघड झाला. पत्नीने सांगितले की, ज्या मुलीसोबत तो इंस्टाग्रामवर प्रेमाबद्दल बोलत असे ती दुसरी तिसरी कोणी नसून ती स्वतः होती.
यानंतर रेस्टॉरंटमध्ये दोघांमध्ये भांडण झाल आणि प्रकरण महिला पोलिस ठाण्यात पोहोचल. पत्नीने पतीवर फसवणूकीचा आरोप केला आणि घटस्फोटाची मागणी केली. त्याच वेळी, पतीने तिच्यावर मानसिक छळाचा आरोप केला आणि वेगळे होण्याची मागणी केली.
समुपदेशन केंद्रात, समुपदेशक महेंद्र शुक्ला यांनी दोघांचेही एक महिना समुपदेशन केले. शेवटी, पतीने आपली चूक मान्य केली आणि भविष्यात अशी चूक न करण्याचे आश्वासन दिले. यानंतर दोघेही आनंदाने त्यांच्या घरी परतले. पोलिसांच्या समुपदेशनामुळे एक नातं तुटण्यापासून वाचले
