भुसावळ : तालुक्यात एक चौदा वर्षीय मुलीगी अत्याचारातून गर्भवती राहिल्याचा प्रकार उघड झाला आहे. याबाबत संशयिताविरुद्ध पोस्को कायद्याअंतर्गत गुन्हा दाखल करण्यात आला आहे.
याबाबत वृत्त असे की, वरणगाव परिसरातील एका गावात आईला मुलीच्या प्रकृतीवर संशय आला. याबाबत तिने मुलीला विश्वासात घेऊन हकीगत जाणून घेण्याचा प्रयत्न केला. यावेळी मुलीने तिच्यासोबाबत घडलेली दुर्घटना आईला धक्काच बसला.
मुलीला डॉक्टरकडे तपासणीसाठी नेले असता तिच्या पोटात सहा महिन्यांचा गर्भ असल्याचे समजले. यावरून पीडित मुलीने सांगितल्यानुसार घराशेजारील राहणारा नीलेश संजू निळे या तरुणाने अंदाजे सात महिन्यांअगोदर त्याचे घरातील हॉलमध्ये अत्याचार केला होता. त्यानंतर पुन्हा ५ सप्टेंबर २०२४ रोजी घरात बोलावून अत्याचार केल्याची हकीकत पीडित मुलीने तिच्या आईला सांगितल्यामुळे ही घटना उघडकीस आली आहे.
याप्रकरणी वरणगाव पोलिसांत पीडितेच्या आईने दिलेल्या फिर्यादीवरून संशयित नीलेश संजू निळे याच्या विरोधात भारतीय न्यायसंहितेच्या कलम ६४ (२) एम ३५१ (१) (२) पोस्को कायद्याचे ४, ६ प्रमाणे गुन्हा दाखल करण्यात आला आहे. पुढील तपास सह पोलिस निरीक्षक सुशील सोनवणे करीत आहेत.
