Accident : दुचाकीची समोरासमोर धडक; एक ठार, तीन जखमी

Published On: डिसेंबर 8, 2022 4:05 pm

---Advertisement---

तरुण भारत लाईव्ह न्यूज । ८ डिसेंबर २०२२ । नंदुरबार तालुक्यातील निमगूळ-दोंडाईचा रस्त्यावरील भोले पेट्रोल पंपाजवळ दोन दुचाकीची समोरासमोर धडक झाली. यात एक ठार तर तीन जण जखमी झाले. हा अपघात आज गुरुवारी सकाळी १०.३० वाजेच्या सुमारास झाला. याप्रकरणी मोटार वाहन कायदा प्रमाणे गुन्हा दाखल करण्याचे काम सुरू होते.

विशाल चंद्रकांत गिरी (वय ३२) रा.देवी ता.शिंदखेडा असे मयत तरुणाचे नाव आहे. निमगूळ कडून दोंडाईचाकडे बुलेट क्र. एम.एच.18 जे 9617 या दुचाकीने जात असताना सुदाम विठ्ठल सदाराव (वय 50) रवींद्र काळु ठाकरे (वय 40) हिरालाल सुकलाल चव्हाण (वय 40) हे दोंडाईचा कडून निमगूळकडे हिरो स्पेल्डर क्र. एम. एच. 39 एस 8712 या दुचाकीने जात असताना दोघांचीही समोरासमोर धडक झाल्याने भिषण अपघात घडला.

यात विशाल चंद्रकांत गिरी (वय 32) यास डोक्याला गंभीर दुखापत होऊन रक्तस्त्राव झाल्याने लागलीच परिसरातील नागरिकांनी वाहनात टाकून उपजिल्हा रुग्णालयात दाखल केले असता वैद्यकीय अधिकारी डॉ. तेजस जैन तपासून मृत घोषित केले. तर सुदाम सदाराव, रवींद्र ठाकरे हिरालाल चव्हाण हे गंभीर जखमी असून यांच्या शहरातील खाजगी रुग्णालयात उपचार सुरू आहेत. घटनेची माहिती मिळताच दोंडाईचा पोलीस घटनास्थळी दाखल झाले होते.

---Advertisement---

accident two bike