Crime News : एका १८ वर्षीय मुलीवर त्याच गावातील सहा तरुणांनी सामूहिक अत्याचार केल्याची धक्कादायक घटना उकडीस आली आहे . या घटनेमुळे गावात एकच खळबळ उडाली आहे. पीडितेने किरतपूर (उत्तर प्रदेश) पोलीस स्टेशनला दिलेल्या तक्रारीनुसार गावातील सहा तरुणांनी तिच्या होणाऱ्या नवऱ्यासह तिच्यावर सामूहिक अत्याचार केला आणि या घटनेचा व्हिडिओ बनवून तो व्हायरल केला. या घृणास्पद गुन्ह्याची बातमी गावात पसरताच संपूर्ण परिसरात खळबळ उडाली. गावातील नागरिकांनी आरोपींवर कडक कारवाई करण्याची मागणी करत आहेत. या प्रकरणाचे गांभीर्य लक्षात घेऊन पोलीस अधीक्षकांनी सर्व आरोपींना लवकरात लवकर अटक करण्याचे निर्देश दिले आहेत. या घटनेमुळे पुन्हा एकदा महिलांच्या सुरक्षिततेवर आणि समाजातील वाढत्या गुन्ह्यांवर गंभीर प्रश्न उपस्थित होतो.
काय आहे संपूर्ण प्रकरण?
पोलिसांकडे दिलेल्या तक्रारीत मुलीने म्हटले आहे की, १० मे २०२५ रोजी रात्री १० वाजताच्या सुमारास तिचा नवरा घरामागील शेतात तिला भेटायला आला. त्यानंतर त्याच गावातील तीन तरुण त्यांच्या तीन अज्ञात साथीदारांसह तिथे पोहोचले. पीडितेचा आरोप आहे की या सहा तरुणांनी तिच्यावर सामूहिक अत्याचार केला आणि या घृणास्पद कृत्याबद्दल कोणाला सांगितले तर ठार मारण्याची धमकी दिली.
पीडितेने पुढे सांगितले की, भीतीमुळे तिने या भयानक घटनेबद्दल तिच्या कुटुंबाला लगेच सांगितले नाही. पण आरोपीने या लज्जास्पद घटनेचा व्हिडिओ सोशल मीडियावर व्हायरल केला. व्हिडिओ व्हायरल झाल्यानंतर, पीडितेला अखेर तिच्या कुटुंबाला तिच्यावर झालेला अत्याचार सांगावा लागला. पीडितेने तिचे वय १८ वर्षे असल्याचे सांगितले.
पीडितेने तिच्या तक्रारीत आरोपीविरुद्ध कठोर कायदेशीर कारवाईची मागणी केली आहे. पीडितेच्या तक्रारीवरून किरतपूर पोलिसांनी तात्काळ गुन्हा दाखल करून तपास सुरू केला. आरोपींना पकडण्यासाठी पोलिस पथके तयार करण्यात आली आहेत आणि त्यांच्या संभाव्य लपण्याच्या ठिकाणांवर छापे टाकले जात आहेत.
