लखनौ : शहरातील सर्वाधिक वर्दळीचा परिसर असलेल्या घंटाघर आणि रुमी गेटजवळ रात्री १ २ सुमारास एका क्रेटा कारने पाच जणांना चिरडल्याची घटना घडली. मद्यधुंद अवस्थेत असलेल्या कर चालकाने प्रथम रस्त्यावर उभ्या असलेल्या व्यक्तीला धडक दिल्यानंतर 1 किलोमीटरपर्यंत समोर येईल त्याला धडक मारली. पोलिस आणि जमाव गाडीच्या मागे धावत आणि आरडाओरड करत राहिले, मात्र कार चालक थांबला नाही. अखेर हुसैनाबादमध्ये कार खांबाला धडकली, त्यानंतर जमावाने कारवर हल्ला केला. पोलिसांनी मोठ्या प्रयत्नांनी कार चालकाला जमावापासून वाचवून पोलीस ठाण्यात नेले.
पोलिसांनी दिलेल्या माहितीनुसार, रात्री 12 वाजता रूमी गेट येथे एका अनियंत्रित कारने प्रथम एका व्यक्तीला धडक दिली, मात्र चालकाने कार थांबवली नाही. उलट गाडीचा वेग वाढवला. त्यानंतर त्याने एका दुचाकीस्वाराला धडक दिली. लोक गाडीच्या मागे धावू लागले. आरडाओरड करून थांबवण्याचा प्रयत्न केला. मात्र कार चालक थांबला नाही. त्याने ई-रिक्षाला धडक दिली. माहिती मिळताच पोलिस कर्मचाऱ्यांनीही गाडीचा पाठलाग सुरू केला. व्यक्ती आणि ई-रिक्षाला धडक दिल्यानंतर कारने छोटा इमामबारा ते घंटाघर दरम्यान 3 जणांना धडक दिली. गाडीचे नियंत्रण सुटलेले पाहून काही लोक जीव वाचवण्यासाठी धावले. पुढे जात असताना त्याने एका कारलाही धडक दिली. जमावाने कारला घेरल्याने चालकाने पुन्हा मागे वळून पळून जाण्याचा प्रयत्न केला, जमावाने आरोपींवर हल्ला केला. पोलिसांनी त्याला कसेबसे वाचवले आणि हुसैनाबाद चौकीत नेले.
संतप्त जमावाने कारवर विटा आणि काठ्यांनी हल्ला करून नुकसान केले. पोलीस आणि लोकांनी घंटाघर ते हुसैनाबाद चौकीपर्यंत 1 किलोमीटरपर्यंत कार चालकाचा पाठलाग केला. कारमध्ये दारूच्या बाटल्या देखील सापडल्या आहेत.
