Aadhar card : आधार कार्ड एक प्रमुख ओळखपत्र आहे, जो भारतीय नागरिकांसाठी युनिक आयडेंटिफिकेशन अथॉरिटी ऑफ इंडिया (UIDAI) द्वारा जारी केला जातो. याचा उद्देश प्रत्येक भारतीय नागरिकासाठी एक अद्वितीय ओळख तयार करणे आहे. आधार कार्डमध्ये १२ अंकी अद्वितीय आधार क्रमांक असतो, जो बायोमेट्रिक (बोटांचे ठसे, आयरिस स्कॅन) आणि डेमोग्राफिक माहिती (नाव, पत्ता, जन्मतारीख इत्यादी) आधारावर तयार केलेला असतो.
आधार कार्ड जारी करणारी संस्था यूआयडीएआय (UIDAI) ने मोठा निर्णय घेतला आहे, ज्यामुळे देशभरातील आधार कार्ड धारकांना दिलासा मिळाला आहे. आधार कार्ड अपडेट करण्याची मोफत सुविधा देण्याची मुदत आज, 14 डिसेंबर 2024, संपणार होती, पण यूआयडीएआय ने ही मुदत 14 जून 2025 पर्यंत वाढवण्याचा निर्णय घेतला आहे. यामुळे आता आधार कार्ड धारकांना सहा महिन्यांची अतिरिक्त मुदत मिळणार आहे.
आधार कार्ड अपडेट करण्यासाठी पहिल्यांदा 14 जून 2024 ही अंतिम तारीख ठरवण्यात आली होती. त्यानंतर ती मुदत तीन महिन्यांनी वाढवण्यात आली आणि पुढे 14 डिसेंबर 2024 पर्यंत मुदतवाढ दिली गेली. आता, 14 जून 2025 पर्यंत आधार कार्ड अपडेट करण्याची सुविधा उपलब्ध राहील.
मुदतवाढाबद्दल यूआयडीएआयने ट्विटरवर पोस्ट केली आहे, ज्यात myAadhaar पोर्टलवर फ्री ऑनलाइन अपडेटसाठी ही सुविधा कायम ठेवण्यात आली असल्याचे सांगितले आहे.
आधार कार्ड अपडेट का करावं?
डेटाबेस अपडेट: आधार कार्डमधील माहिती अद्ययावत करण्यासाठी.
लहान मुलांचं आधार अपडेट: 5 वर्षांच्या वयानंतर मुलांचे आधार अपडेट करणे आवश्यक आहे.
वयाचे 15 वर्ष पूर्ण झाल्यानंतर: बायोमेट्रिक रेकॉर्डसाठी (बोटांचे ठसे, आयरिस स्कॅन आणि फोटो) अपडेट आवश्यक आहे.
ऑनलाइन आधार अपडेट कसा करावा?
UIDAI वेबसाइटवर जा आणि आधार सेल्फ सर्व्हिस पोर्टल वर भेट द्या.
आपल्या आधार क्रमांक, कॅप्चा, आणि OTP प्रविष्ट करा.
कागदपत्र अपडेट करण्याचा पर्याय निवडा, सध्याची माहिती तपासा.
ड्रॉप-डाउन मेन्यू मधून योग्य कागदपत्रांची निवड करा आणि त्याची स्कॅन प्रत अपलोड करा.
अपलोड केल्यानंतर एक आधार क्रमांक मिळेल, जो पुढील प्रक्रियेसाठी उपयोगी ठरेल.
आधार कार्ड अपडेट करणं महत्वाचं आहे, कारण यामुळे भविष्यात अडचणी टाळता येतील आणि सर्व सरकारी व इतर सेवा सोयीने मिळवता येतील.
