तरुण भारत लाईव्ह । १२ मार्च २०२३। समृद्धी महामार्गावर अपघाताचे सत्र सुरूच आहे. अशातच आज पुन्हा जिल्ह्यात मेहकरजवळ कारला भीषण अपघात झाला. या अपघातात ५ जण ठार, तर ७ जण जखमी झाले आहेत.
सूत्राने दिलेल्या माहितीनुसार, एक कार औरंगाबादहून शेगावला जात होती. गाडीत एकूण ९ प्रवासी होते. वेगवान कार उलटून हा अपघात झाला आहे. मेहकरजवळ सिवनी पिसा गावाजवळ नागपूर कॉरिडॉरवर गाडीचा अपघात झाला. या भीषण अपघातातील मृतांमध्ये २ मुले आणि ३ महिलांचा समावेश आहे. तर ७ गंभीर जखमी झाल्याची माहिती आहे. हे सर्वजण एकाच कुटुंबातील असल्याचे सांगण्यात येत आहे. अपघाताची माहिती मिळताच पोलीस घटनास्थळी दाखल झाले. जखमींवर मेहकर येथील रुग्णालयात उपचार सुरू आहेत.
