सलमानने मित्र बनून वाढवली जवळीक, मित्राच्या पत्नी-मेव्हणी आणि मुलीला कलमा शिकवीत त्यांच्यासोबत केले पलायन

उत्तर प्रदेशातून एक खळबळजनक घटना उघड झाली आहे. एका मौलानाने तीन महिलांची फसवणूक करीत त्यांच्यासोबत पलायन केल्याचा आरोप मौलानांच्या मित्राने केला आहे. या मौलानाने तीन महिलांना प्रथम कलमा शिकविला यानंतर त्यांचे धर्मांतरण करुन त्यांच्यासोबत पळून गेला आहे. याबाबत मडियांव पोलिस स्टेशनमध्ये मौलाना सलमान शेख यांच्याविरुद्ध गुन्हा दाखल करण्यात आला असून त्याच्या शोधासाठी डोंपोलीस पथके तैनात करण्यात आले आहेत.

मडियांव भागातील रहिवाशी असलेला एका खाजगी कंपनीत काम करणाऱ्या पीडित व्यक्तीने आपली आपबिती पोलिसांना सांगितले. त्याने सांगितले की, काही महिन्यांपूर्वी त्याची सीतापूरमधील सिधौली येथील रहिवासी सलमान शेख सोबत भेट झाली होती. कालांतराने दोघांमधील मैत्री वाढली. पीडित व्यक्तीने सलमानला आपल्या घरी बोलविले.

यानंतर सलमान नियमितपणे पीडितेच्या घरी येऊ लागला. पीडित हा बऱ्याचदा, कामावर असतानाही देखील सलमान त्याच्या घरी तासनतास थांबायचा. या कालावधीत सलमानने पीडितेच्या पत्नी आणि मेहुणीला इस्लामिक शिक्षण देण्यास प्रारंभ केला. पीडितेने सांगितले की, सलमानने दोन्ही महिलांना कलमा म्हणायला लावला आणि हळूहळू त्यांचे वर्तन बदलू लागले. दोघांनाही नमाज आणि उपासनेत रस वाढला होता आणि ते अनेकदा मुस्लिम धर्माबद्दल बोलत असत. पीडित व्यक्तीने यास विरोध दर्शविला असतात त्याची बायको आणि मेहुणी त्यांचा सोबत भांडू लागायच्या.

गृहकलह वाढल्याने पीडितेने सलमानला त्या घरी येण्यास मज्जाव केला. परंतुत्याची मेहुणी सलमान तिचा मित्र असल्याचे सांगून हा मुद्दा टाळत असे. दरम्यान, पीडित व्यक्तीला सलमानचे घरी येणे आवडत नव्हते. एकदा त्याच्या पत्नीने सलमानने धर्मांतरासाठी मोठी रक्कम मिळवण्याबद्दल सांगितले होते. पण नंतर त्याच्या पत्नीने ते नाकारले. पीडित व्यक्तीचे म्हणणे आहे की, सलमान त्याची पत्नी, वहिनी आणि निष्पाप मुलीला दिशाभूल करून त्यांच्यासोबत इतके मोठे पाऊल उचलेल याची त्याने कल्पनाही केली नव्हती.

ही घटना एका आठवड्यापूर्वी घडली होती, जेव्हा पीडित व्यक्ती कामावरून घरी परतला तेव्हा त्याला आढळले की त्याची पत्नी, मेहुणी आणि पाच वर्षांची मुलगी घरातून गायब आहेत. कपाट उघडे होते, वस्तू विखुरलेल्या होत्या आणि दागिने आणि रोख रक्कमही गायब होती. पीडितेने सलमान, त्याची पत्नी आणि मेहुणी यांच्याशी त्यांच्या मोबाईल नंबरवर संपर्क साधण्याचा प्रयत्न केला, परंतु सर्व फोन बंद होते. परिसरातील लोकांनी सांगितले की सलमान तिघांसोबत जाताना दिसला. यानंतर पीडितेने मडियांव पोलिस ठाण्यात तक्रार दाखल केली आणि सलमान शेखविरुद्ध एफआयआर नोंदवला.