जळगाव : तालुक्यातील शिरसोली प्र. न. येथे गावठी कट्टा पाहत असताना त्यातून अचानक गोळी सुटल्याने ती थेट पोटात लागून एक तरुण गंभीर जखमी झाल्याची घटना गुरुवार, २१ रोज घडली होती. ही घटना ताजी असताना जळगाव शहरात पेट्रोलिंग करत असतांना पोलिसांनी एकाला गावठी पिस्तूल व मॅक्झिनसह ताब्यात घेतले आहे. त्याच्याकडून बत्तीस हजार रुपयांचे शस्त्र जप्त जप्त करण्यात आले आहे. या संशयित आरोपीविरोधात जळगाव शहर पोलीस स्टेशनमध्ये गुन्हा दाखल करण्यात आला आहे.
जळगाव शहर पोलिसांना गोपनीय माहितीच्या आधारे उस्मानिया पार्क परिसरात गावठी पिस्तूल असल्याचे शनिवार, २३ रोजी समजले होते. यानुसार शनिवारी, रात्री ८.३५ वाजता पेट्रोलिंग करताना उस्मानिया पार्क भागातील सवलत किराणा दुकानाजवळील मार्गावर आरोपी नमीर खान, आसीफ खान (वय १९, रा. काट्या फाईल जळगाव ह.मु.उस्मानीया पार्क जळगाव) याच्या ताब्यात एक गावठी बनावटीचा पिस्तोल मॅक्झीनसह अंदाजे 30 हजाराची व 2 हजार रु किंमतीची एक मॅग्झीन असे एकुण 32 हजार रुपये किंमतीचा मुद्देमाल विनापास परमिट शिवाय बेकायदेशीरपणे आरोपीच्या कब्ज्यात मिळून आला आहे.
याप्रकरणी संशयित आरोपीस ताब्यात घेवून त्याचे विरुध्द गुन्हा दाखल करण्यात आला आहे. सदरची कारवाई ही पोलीस उप निरीक्षक दत्तात्रय पोटे, विजयसिंग पाटील, सुधाकर अंभोरे, अकरम शेख, राहुल पाटील सर्व स्थानिक गुन्हे शाखा पथकाने केली आहे.
