जळगाव : जळगाव मधील म्हसावद तालुक्यातील इंदिरानगर मध्ये बेकायदेशीर रित्या गोमांस घरात आढळून आल्याचा प्रकार उघडकीस आला आहे. २१ जानेवारी रोजी रात्री १ वाजता एका तरुणा विरोधात एमआयडीसी पोलीस ठाण्यात गुन्हा दाखल करण्यात आला आहे.
पोलिसांकडून मिळालेल्या माहितीनुसार, जळगाव तालुक्यातील म्हसावद गावातील इंदिरानगर शाहरुख मेहबूब कुरेशी (वय-२५) हा तरुण घरात गोमांस व आतडे बेकायदेशीर रित्या घरात ठेवल्याची माहिती एमआयडीसी पोलिसांना मिळाली. त्यानुसार रविवारी २१ जानेवारी रोजी मध्यरात्री १ वाजता पोलिसांनी कारवाई करत १४० किलो गोमांस जप्त केले आहे. याप्रकारणी दीपक अरुण सोनवणे यांनी दिलेल्या फिर्यादीवरून संशयित आरोपी शाहरुख मेहबूब कुरेशी याच्या विरोधात गुन्हा दाखल करण्यात आला आहे.
