जळगाव: भारतामध्ये काहीच दिवसात आता लोकसभेच्या निवडणूक होणार आहे. पंतप्रधान नरेंद्र मोदी हे आचारसंहितेपूर्वी राज्यात पाच दौरे करणार असून पहिल्या टप्प्यात शहरी दौरा होणार आहे. तर त्यानंतर त्यानंतर ग्रामीण महाराष्ट्रातील दौरे देखाली ते करणार आहे. मिळालेल्या माहितीनुसार, त्यानुसार २८ जानेवारी किंवा ५ फेब्रुवारी रोजी जळगावच्या दौऱ्यावर येणार असल्याचे माहिती मिळत आहे. मात्र, या दौऱ्यासंदर्भात जिल्हा प्रशासनाकडे आता पर्यंत कुठलीही माहिती नाही.
पुढच्या महिन्यात म्हणजेच फेब्रुवारी महिन्यात लोकसभा निवडणुकीच्या आचार संहिता लागण्याची शक्यता आहे. आचारसंहिता लागण्यापूर्वी पंतप्रधान मोदी यांनी मुंबई, नाशिकच्या माध्यमातून पहिला दौरा तर २८ जानेवारी किंवा ५ फेब्रुवारी रोजी मोदी जळगावात येतील अशी माहिती स्थानिक पक्षीय सूत्रांनी दिली आहे. त्यानुसार पंतप्रधान मोदी यांची जळगावात सभा होणार आहे. सभास्थळ निश्चित नसले तरी जिल्हा प्रशासनाने विमानतळ परिसर, शिरसोली रोड, नशिराबाद परिसरात ही सभा घेण्याची शक्यता वर्तविली आहे.
