तरुण भारत लाईव्ह न्यूज । ३ डिसेंबर २०२२ । अमळनेरात पुन्हा आ.अनिल पाटील यांच्या प्रेरणेने तब्बल आठ वर्षांनंतर “आमदार चषक” क्रिकेट स्पर्धेचे आयोजन करण्यात आले असून ही स्पर्धा खा.शरदचंद्र पवार यांच्या वाढदिवसाच्या दिवशी म्हणजे, दि.12 डिसेंबर पासून खेळवली जाणार आहे. यात अनेक रणजी खेळाडू दाखल होणार आहेत.
अमळनेर क्रिकेट असोसिएशनच्या माध्यमातून प्रताप महाविद्यालयाच्या भव्य मैदानावर या “आमदार चषक”क्रिकेट स्पर्धा होणार असून याची जय्यत आयोजकांकडून सुरू झालेली आहे.
मॅच विनर बक्षीस
प्रथम बक्षीस 1 लाख 11 हजार 111 रुपये तर द्वितीय बक्षीस 55 हजार 555 रु असणार आहे. याव्यतिरिक्त मॅन ऑफ द सिरीज साठी 11 हजार 111 रु आणि उत्कृष्ठ बॉलर, उत्कृष्ठ बॅट्समन, उत्कृष्ठ फिल्डर व उत्कृष्ठ किपर यांना देखील आमदार चषक देऊन सन्मानित केले जाणार आहे.
प्रवेश फी
प्रवेश फी 8 हजार रुपये असून सदर स्पर्धेत राज्यभरातील जवळपास 32 नामांकित संघ सहभागी होणार आहेत. विशेष म्हणजे या संघाच्या माध्यमातून काही महाराष्ट्र रणजी, गुजराथ रणजी व मध्यप्रदेश रणजी खेळलेले खेळाडू देखील दाखल होणार असल्याने त्यांचा खेळ क्रिकेट शौकिनाना पाहायला मिळणार आहे. प्रत्येकी 20 ओव्हर सामने होणार आहेत.
खेळ आणि मैदान याचे विशेष आकर्षण आमदार अनिल पाटील यांना आधीपासून असल्याने तरुणाईला देखील याची आवड असावी यासाठी अनेकदा ते खेळाच्या स्पर्धांना प्रोत्साहन देत असतात आठ वर्षांपूर्वी आमदार अनिल पाटील यांच्या प्रोत्साहन आणि प्रेरणेमुळेच अमळनेर तब्बल तीन चार वर्षे राज्यस्तरीय क्रिकेट स्पर्धा रंगल्या होत्या,त्यानंतर काही अडचणीमुळे त्यात खंड पडला होता,गेली दोन वर्षे कोरोनामुळे इच्छा असूनही आमदार स्पर्धेस प्रोत्साहन देऊ शकले नव्हते.मात्र या वर्षी अमळनेर क्रिकेट असोसिएशनने इच्छा व्यक्त करताच आमदारांनी मोठ्या उत्साहाने प्रोत्साहन दिले असून त्यामुळे क्रिकेट असोसिएशन चे सदस्य मोठ्या उत्साहात तयारीला लागले आहेत,ही राज्यस्तरीय स्पर्धा 12 डिसेंबर पासून क्रिकेट शौकिनासाठी अमळनेरात पर्वणी ठरणार असून यानिमित्ताने प्रताप चे मैदान गजबजणार आहे.
आंतरशालेय स्पर्धाही रंगणार
सदर आमदार चषकच्या निमित्ताने स्थानिक विद्यार्थी दशेतील मुलांच्या क्रिकेट खेळास वाव मिळावा त्यांनाही मोठ्या स्पर्धेत खेळण्याचा आनंद मिळावा यासाठी आंतरशालेय क्रिकेट स्पर्धा देखील यादरम्यान घेण्यात येणार असून विजेत्यांना मिनी आमदार चषक देऊन सन्मानित करण्यात येणार आहे, यामुळे विद्यार्थी व पालक वर्गात देखील उत्साहाचे वातावरण निर्माण झाले आहे.
