दिल्ली : राज्यघटनेला 75 वर्षे पूर्ण झाल्याच्या निमित्ताने पंतप्रधान नरेंद्र मोदी यांनी लोकसभेत संबोधन केले. यावेळी त्यांनी संविधानाच्या निर्मितीमध्ये महिलांच्या महत्त्वपूर्ण योगदानाची प्रशंसा केली आणि संविधानाच्या 75 वर्षांच्या प्रवासाचा गौरव केला. यावेळी पंतप्रधान नरेंद्र मोदी यांनी काँग्रेस आणि गांधी घराण्यावर जोरदार प्रहार केला. त्यांनी खास करून १९७५ मध्ये लागू करण्यात आलेली आणीबाणी आणि संविधानाच्या मूल्यांची हानी यावर भाष्य केलं.
संविधानावरील हल्ला: मोदींनी सांगितलं की, २५ वर्षांपूर्वी जेव्हा देश संविधानाच्या २५ वर्षांच्या सन्मानाची चर्चा करत होता, तेव्हा काँग्रेसने आणीबाणी लागू करून संविधानाची व्यवस्था नष्ट केली होती. यावेळी देशाला ‘जेल’ बनवले गेले आणि लोकांच्या अधिकारांची पायमल्ली केली. मोदींनी सांगितलं की, काँग्रेसच्या माथ्यावर हे पाप कायम राहील, आणि प्रत्येक वेळी लोकशाहीची चर्चा होईल तेव्हा काँग्रेसच्या पापाचीही चर्चा होईल.
महिलांचे योगदान: पंतप्रधान मोदींनी संविधान निर्मितीमध्ये महिलांच्या महत्त्वपूर्ण योगदानाचा उल्लेख केला. त्यांचं म्हणणं होतं की, महिलांना मतदानाचा अधिकार मिळवण्यासाठी दशकं गेली, आणि आज महिलांना विविध क्षेत्रांत महत्त्वाचे स्थान प्राप्त झाले आहे. महिलांची संख्या लोकसभेत, शिक्षण, खेळ आणि कला क्षेत्रात लक्षणीयरीत्या वाढली आहे.
भारताची आर्थिक प्रगती: मोदींनी भारताच्या आर्थिक प्रगतीचा उल्लेख करत सांगितलं की, भारत आज तिसरी आर्थिक शक्ती बनण्यासाठी पाऊल टाकत आहे. १४० कोटी जनतेच्या स्वप्नांची पूर्तता होत आहे.
विविधतेला विरोध: मोदींनी भारताच्या विविधतेच्या महत्त्वावर भर दिला आणि सांगितलं की, भारताच्या एकतेवर प्रहार करण्यासाठी काही लोक विषारी विचारांचा प्रचार करत होते. स्वातंत्र्यानंतर, विविधतेला विरोध करणाऱ्या मानसिकतेमुळे भारताच्या एकतेला धोका निर्माण झाला आहे.
गुलामीच्या मानसिकतेवर टीका: मोदींनी स्वातंत्र्यानंतर भारतामध्ये काही लोकांनी गुलामीच्या मानसिकतेला थांबवून विविधतेला एकत्र आणण्याचा प्रयत्न केला. परंतु, काही लोक विविधतेमध्ये विरोधाभास शोधत होते आणि ते भारताच्या एकतेला धक्का पोहोचवण्याचा प्रयत्न करत होते.
पंतप्रधान मोदींच्या या भाषणाने काँग्रेसवर आणि गांधी घराण्यावर तीव्र टीका केली आहे. संविधानाच्या मूल्यांचे रक्षण आणि भारतीय लोकशाहीच्या आदर्शाचे उल्लंघन होणारे कृत्य म्हणून त्यांनी काँग्रेसला दोषी ठरवलं.
