भुसावळ : नागपूर विभागात ‘नॉन इंटरलॉकिंग’ कामांमुळे सात रेल्वे गाड्या रद्द केल्या गेल्याचे समजते. नागपूर विभागातील यंत्रणा अद्ययावत करण्यासाठी आणि सेवेत सुधारणा करण्यासाठी हे काम हाती घेण्यात आले आहे. नागपूर विभागामध्ये सिंदी रेल्वे स्थानक आणि यार्डमध्ये नॉन- इंटरलॉकिंग आणि पॉवर ब्लॉक घेण्यात येणार आहे. त्यामुळे बुधवार, दि.१८ रोजी या मार्गावरील सात रेल्वे गाड्या रद्द करण्यात आल्या आहेत.
सिंदी स्थानक परिसरात यार्ड रिमॉडेलिंग आणि इलेक्ट्रॉनिक इंटरलॉकिंगची सुरुवात करण्यात येणार आहे. तसेच, नागपूर-वर्धा विभागातील तिसरा आणि चौथा मार्ग, लाँग हॉल लूपसाठी महत्त्वाच्या कामासाठी नॉन इंटरलॉकिंग कामे करण्यात येत आहेत. त्यामुळे दि.१८ रोजी सात गाड्या रद्द करण्यात आल्या आहे. क्र. ०१३७१ अमरावती वर्धा मेमू, ०१३७२ वर्धा अमरावती मेमू, १११२१ भुसावल वर्धा एक्स्प्रेस, १११२२ वर्धा भुसावल एक्स्प्रेस, – १२११९ अमरावती अजनी एक्स्प्रेस, १२१२०० अजनी अमरावती एक्स्प्रेस, १२१५९ अमरावती – जबलपुर एक्स्प्रेस या गाड्या रद्द करण्यात आल्या आहेत.
दरम्यान, कोल्हापूर -गोंदिया महाराष्ट्र एक्स्प्रेस १८ रोजी वर्धा स्टेशन येथे शॉर्ट टर्मिनेशन्स करण्यात येईल. ही गाड़ी वर्धा ते गोंदिया दरम्यान रद्द राहील. ११०४० गोंदिया-कोल्हापूर महाराष्ट्र एक्स्प्रेस दि. १८ रोजी वर्धा स्टेशन येथून आपल्या नियोजित वेळेत सुटेल.
