जळगाव : भरधाव खासगी ट्रॅव्हल्स दुभाजकावर आदळून पलटी होऊन भीषण अपघात झाला आहे. एरंडोल तालुक्यात पिंपळकोठा गावाजवळ आज सकाळी ८:३० वाजता हा अपघात घडला. या अपघातात चालक जागीच ठार झाला असून १४ प्रवाशी जखमी झाले आहेत. जखमींवर ग्रामीण रुग्णालयात उपचार सुरु आहेत.
मिळालेल्या माहितीनुसार, धुळ्याकडून जळगावमार्गाने औरंगाबादकडे खाजगी लक्झरी बस निघली होती. दरम्यान, एरंडोल तालुक्यातील पिंपळकोठा गावाजवळ दुभाजकावर आदळून पलटी होऊन भीषण अपघात झाला. या अपघात चालकाचा जागीच मृत्यू असून चार १४ प्रवासी किरकोळ जखमी झाले आहेत.
जखमींवर एरंडोल ग्रामीण रुग्णालयात उपचार सुरु आहेत. तर या जखमींमधल्या ३ जणांना जळगाव जिल्हा रुग्णालयात दाखल करण्यात आले आहे. यातील मृत चालकाचे नाव कळू शकले नाही. पोलीस आणि स्थानिक ग्रामस्थांच्या मदतीने या ठिकाणी बचावकार्य सुरु आहे.
