तरुण भारत लाईव्ह न्यूज । २२ डिसेंबर २०२२ । जामनेर तालुक्यातील फत्तेपूर येथून जवळच असलेल्या पिंपळगांव-चौखांबे येथील हॉटेल निवांत समोर आज सकाळी ११ वा. दोन मोटार सायकलीची समोरा-समोर धडक होऊन अपघात झाला. यात दोन जण जागीच ठार झाले तर दोन जण गंभीर जखमी झाले आहेत.
मिळालेल्या माहितीनुसार, सोयगांव तालुक्यातील सावळदबारा येथील सांडू हुसेन शेख( वय ५५), व मोहसिन सांडू शेख( वय-२२), हे दोघ आज सकाळी एम.एच.-२०- एफ.डी.-२८३३ मोटार सायकलीने सावळदबारा येथून फत्तेपूर कडे येत होते. तर फत्तेपूरहून- देऊळगांवकडे मनोहर पांडूरंग दांडगे (वय-४०) रा.डाभा ता.सोयगांव व संजय हरदास जाधव (वय-४५), रा.जामठी ता.सोयगांव हे दोघं एम.एच.-१९ सी.एल.-६१६० या मोटार सायकलीने जात होते.
दरम्यान, या दोघं मोटार सायकलीचा पिंपळगांव- चौखांबे गांवा जवळील हॉटेल निवांत समोर समोरा समोर जोरदार धडक होऊन अपघात झाला. त्यात सांडू हुसेन शेख(५५) रा. सावळदबारा ता. सोयगांव व मनोहर पांडुरंग दांडगे (४०), रा. डाभा ता. सोयगांव यांचा जागेवरच मृत्यु झाला. तर मोहसिन सांडू शेख (२२), रा.सावळदबारा ता. सोयगांव व संजय हरदास जाधव(४५), रा.जामठी ता. सोयगांव हे दोघं गंभीर जखमी झाले.
