तरुणीला मदतीसाठी शेतात बोलावले अन्…, जळगाव तालुक्यातील घटना

जळगाव : जिल्हयात विविध ठिकाणी एक तरुणी व दोन महिलांचा विनयभंग करण्यात आला. पहिली घटना बकऱ्या चारण्यासाठी जात असलेल्या तरुणीला मदतीच्या बहाण्याने शेतात बोलवून तिचा विनयभंग करण्यात आला. दुसऱ्या घटनेत ४० वर्षीय महिला झोपली, असता घरात प्रवेश करत संशयिताने विनयभंग केला. तर तिसऱ्या घटनेत शेतशिवारातून जात असलेल्या महिलेला आवाज देत तिला बोलविले आणि विनयभंग केला. या प्रकरणी संबंधित पोलीस ठाण्यात गुन्हा दाखल करण्यात आला आहे.

मदतीच्या बहाण्याने विनयभंग

बकऱ्या चारण्यासाठी जात असलेल्या तरुणीला मदतीच्या बहाण्याने शेतात बोलवून तिचा विनयभंग करण्यात आला. हा प्रकार तालुक्यातील एका गावाजवळ घडला. याप्रकरणी विनयभंग करणाऱ्या हरी गोरख बारी याच्याविरुद्ध एमआयडीसी पोलिस ठाण्यात विनयभंग, तसेच अॅट्रॉसिटीचा गुन्हा दाखल करण्यात आला. पोलीस तपास करीत आहेत.

मध्यरात्री महिलेचा विनयभंग

४० वर्षीय महिला झोपली असता , घरात प्रवेश करत संशयिताने झोपेतील महिलेचा विनयभंग केला. ही घटना शनिवारी (६ डिसेंबर) रात्री दीड वाजेच्या सुमारास जळगाव तालुका पोलीस ठाण्याच्या हद्दीतील एका गावात घडली. याप्रकरणी धनराज सोनवणे (नांद्रा बु.) विरोधात गुन्हा दाखल करण्यात आला. हवालदार दिनेश चव्हाण हे तपास करीत आहेत.

महिलेचा विनयभंग; अॅस्ट्रासिटी दाखल

जळगाव : शेतशिवारातून जात असलेल्या महिलेला मदत करण्याच्या बहाण्यातून आवाज देत तिला बोलविले. त्यानंतर तिचा संशयिताने विनयभंग करीत धमकाविले. ही घटना एमआयडीसी पोलीस ठाण्यातील एका गावातील शिवारात घडली. या प्रकरणी पीडितेच्या तक्रारीनुसार एमआयडीसी पोलीस ठाण्यात अॅस्ट्रासिटीचा गुन्हा दाखल करण्यात आला. उपविभागीय पोलीस अधिकारी नितीन गणापुरे हे तपास करीत आहेत.