जळगाव: भरधाव कारने दुचाकीला धडक दिली या जोरदार धडकेत आठ महिन्याची गर्भवती महिला जागीच ठार झाली दीपाली योगेश कोळी असे मृत्यू झालेल्या महिलेचे नाव आहे.या अपघातात पती व तीन वर्षाची मुलगी गंभीर जखमी झाले. ही ही घटना रविवार, १२ मे रोजी संध्यकाळी वराड गावाजवळ घडली. एकाच वेळी दोन जीव गेले तर तीन वर्षीय मुलीचे मातृछत्र हरवले आहे.
मिळलेल्या माहितीनुसार, जूना असोदा रोड परिसरात योगेश गुलाब कोळी हे खासगी वाहनावर चालक म्हणून नोकरीस आहे. ते पत्नी दिपाली व तीन वर्षाची मुलगी काव्या हीला घेवून निमगव्हाण येथे नातेवाईकांकडे भेटण्यासाठी गेले होते. तेथून घरी परतत असताना मागून भरधाव वेगाने येणाऱ्या कारने (क्र. एमएच १९, सीएफ ९७९७) वराड गावाजवळ दुचाकीस्वार दाम्पत्याला जोरदार धडक दिली.
या अपघातात आठ महिन्याची गर्भवती असलेल्या दिपाली यांचा जागीच मृत्यू झाला, तर त्यांचे पती योगेश व मुलगी काव्या हे दोघ गंभीर जखमी झाले.अपघातात महिला जागीच ठार झाल्याची माहिती मिळताच ग्रामस्थांनी घटनास्थळी धाव घेत जखमींना शासकीय वैद्यकीय महाविद्यालय व रुग्णालयात दाखल केले. याठिकाणी प्राथमिक उपचार केल्यानंतर त्यांना खासगी रुग्णालयात दाखल केले.
