जळगाव : जिल्ह्यामध्ये पोलिसांनी अवैध शस्त्र विक्री व तस्करीविरोधात धडक कारवाई केली आहे. यात १ जानेवारी २०२४ ते ३१ नोव्हेंबर २०२४ या कालावधीत पोलिसांनी १०० पिस्तूल आणि रिवॉल्वर जप्तीची कारवाई करण्यात आली आहे. तसेच या प्रकरणी ९८ आरोपींविरोधात कारवाईचा समावेश आहे. पोलिसांनी केलेल्या या कारवाईत एकूण २५ लाख ९८ हजार ३०० रुपयांचा १६६ काडतुसांचा मुद्देमालाचा समावेश आहे.
जिल्ह्यात मोठ्या प्रमाणात अवैध शस्त्र खरेदी – विक्री होत आहे. याला आळा घालण्यासाठी पोलीस प्रशासनातर्फे वेळोवेळी कारवाया करण्यात आल्या. जळगाव जिल्हा सातपुडा पर्वत व मध्यप्रदेश राज्याजवळ असल्याने अवैध शस्त्र विक्री तस्करांना हा मार्ग खुला मिळत असतो. महाराष्ट्र व मध्यप्रदेश राज्याच्या बॉर्डरवर अवैध शस्त्र निर्माण करण्याचे काम केले जाते. यात मुख्यतः लहान उमर्टी व मोठी उमर्टी या ठिकाणांचा समावेश आहे. येथेच यावल मार्गे, चोपडा मार्गे अशा अनेक मार्गांनी अवैध शस्त्रांची ने-आण केली जाते.
जळगाव जिल्ह्यातील विविध पोलीस ठाण्यांमध्ये मागील ११ महिन्यांत ६३ केसेसची नोंद करण्यात आली आहे. या कारवाईअंतर्गत पोलिसांतर्फे १०० पिस्तूल आणि रिवॉल्वर तसेच मुद्देमाल जप्तीची कारवाई करण्यात आली आहे. यात १६६ काडतूस यांचा समावेश आहे. पोलिसांनी जप्त केलेला हा सर्व जप्त मुद्देमाल २५ लाख ९८ हजार ३०० रुपयांचा आहे. या कारवाया १ जानेवारी २०२४ ते ३१ नोव्हेंबर २०२४ याकालावधीतील आहेत. हा सर्व मुद्देमाल ९८ आरोपींकडून जप्त करुन पोलिसांनी त्यांना ताब्यात घेतले आहे.
