भडगाव : उधना ते जामनेर हि बस प्रवास करतांना पारोळा बसस्थानकावरून निघून भडगावच्या दिशेने मार्गस्थ झाली. पारोळा-भडगाव रस्त्यावर समोरून ओव्हरटेक करणाऱ्या ट्रकला वाचविण्याच्या प्रयत्नात या बसचा अपघात झाला. अपघातात दोन प्रवाशी जखमी झाल्याची घटना घडली आहे.
हा अपघात पारोळा तालुक्यातील वाघेरी येथे घडला आहे. उधना ते जामनेर हि बस प्रवास करतांना पारोळा बसस्थानकावरून निघून भडगावच्या दिशेने रवाना झाली. दरम्यान, याचवेळी पारोळा- भडगाव रस्त्यावरील वाघरा- वाघरी फाट्या समोरून येणारा चालक हा महिंद्रा पिकअपला ओव्हरटेक करीत होता.
भरधाव वेगाने येत असल्याने बसला धडकणार होती. परंतु, बस चालकाने प्रसंगावधान राखत बसवर नियंत्रण आणण्याचा प्रयत्न केला. मात्र, बसचा वेग अधिक असल्याने ती रस्त्याच्या खाली जाऊन पलटी झाली. या अपघातात चालक, वाहक तसेच प्रवाशी जखमी झाले आहे. बस चालकाच्या नियंत्रणामुळे मोठा अनर्थ टळला आहे. याबाबत पारोळा पोलिसात ट्रक चालकाविरुद्ध गुन्हा दाखल करण्यात आला आहे.
