---Advertisement---
पाचोरा, प्रतिनिधी : पिंपळगाव (हरेश्वर) पोलीस स्टेशन हद्दीतील एका विद्यार्थिनीवर स्कूलबस चालकाने अत्याचार केल्याची नुकतीच घडली. या प्रकरणी अटकेतील आरोपी बसचालकासह त्याच्या आईला सोमवारी न्यायालयात हजर केले असता पुन्हा एक दिवसाची पोलीस कोठडी सुनावली आहे.
फातिमाबी शेख जलील (वय-६१)(रा. शेंदुर्णी ता. जामनेर) या महिलेने आरोपी मुलगा स्कूल बसचालक अबिद हुसेन शेख जलील ( रा. शेंदुर्णी ता. जामनेर) यास सदर गुन्ह्यात सहकार्य केल्या प्रकरणी अटक करण्यात आली होती. व आरोपी मुलगा अबीद शेख हा यापूर्वीच पोलीस कोठडी होता.
आरोपीच्या आईला पोलिसांनी रविवारी न्यायालयात हजर केले असता एक दिवसाची पोलीस कोठडी देण्यात आली होती . अटकेतील आरोपी अबीद हुसेन शेख व त्याची आई फातिमा बी शेख यांना सोमवार रोजी न्यायालयात हजर केले असता दोघांना पुन्हा एक दिवसाची पोलीस कोठडी सुनावली आहे. या गुन्ह्याचा पुढील तपास सहायक पोलीस निरीक्षक कल्याणी वर्मा यांच्या मार्गदर्शनाखाली पोलीस उपनिरीक्षक विठ्ठल पवार हे करीत आहे.
