---Advertisement---
जळगाव : जुन्या वादातून साई बोराडे (१८, रा. शंकरराव नगर, जळगाव) या तरुणावर चाकूने हल्ला करण्यात आल्याची घटना गोलाणी मार्केट परिसरात घडली असून, गंभीर जखमी साईला एका खाजगी रुग्णालयात दाखल करण्यात आले आहे.
देवकर महाविद्यालयात डिप्लोमाचे शिक्षण घेत असलेला साई बोराडे व संशयित शुभम रवींद्र सोनवणे (वय २५, रा. चौगुले प्लॉट,जळगाव) दोघांत जुने वाद होते. सकाळी शुभम आणि साई यांचे एकमेकांशी वाद झाले.
दरम्यान, दुपारी साई बोराडे हा गोलाणी मार्केट जवळ असताना, संशयित शुभम याने चाकूने साई बोराडेवर वार केले. यात गंभीर जखमी झालेल्या साईला नागरिकांनी तातडीने एका रिक्षामध्ये टाकून शासकीय वैद्यकीय महाविद्यालयात (सिव्हिल हॉस्पिटल) उपचारासाठी दाखल केले.
प्रथमोपचार झालयानंतर त्याला एका खाजगी रुग्णालयात दाखल करण्यात आले आहे. या घटनेतील हल्लेखोर शुभम सोनवणे याला पोलिसांनी ताब्यात घेतले असून, याप्रकरणी शहर पोलीस ठाण्यात गुन्हा दाखल करण्यात आला आहे.
