जळगावात महायुतीती मजबूत ! शिंदे सेनेचे ५ तर भाजपचे ४ नगरसेवक बिनविरोध

महानगरपालिका निवडणुकीच्या रणधुमाळीत महायुतीने आपल घोडदौड कायम ठेवत जळगाव महापालिकेत महायुतीच्या ९ उमेदवारांची बिनविरोध निवड झाली आहे यात भाजपचे ४ तर शिवसेना शिंदे गटाचे ५ उमेदवार बिनविरोध झाले आहेत.

जळगाव महानगरपालिकेत ७५ जागांसाठी निवडणूक होणार आहे. त्यापैकी महायुतीच्या ९ उमेदवारांची बिनविरोध निवड झाली आहे. यात प्रभाग क्रमांक १ अ मधून उज्वला बेंडाळे, प्रभाग क्रमांक ७ क मधून विशाल सुरेश भोळे, प्रभाग क्रमांक ७ अ मधून दीपमाला कुंदन काळे तर प्रभाग क्रमांक 16 अ मधून डॉ. विरेन खडके अशा भाजप कडून ४ उमेदवार बिनविरोध झाले आहे.

तर दुसरीकडे शिवसेना शिंदे गटाकडून प्रभाग क्रमांक १८ अ मधून डॉ. गौरव चंद्रकांत सोनवणे, प्रभाग क्रमांक २ अ मधून सागर शाम सोनावणे, भाग क्रमांक ९ अ मधून मनोज सुरेश चौधरी, प्रभाग क्रमांक ९ ब मधून प्रतिभा गजानन देशमुख तर प्रभाग क्रमांक १९ अ मधून रेखा चुडामन पाटील यांची बिनविरोध निवड निश्चित झाली आहे