---Advertisement---
आंतरराष्ट्रीय कामगार दिनाचे औचित्य साधून महाराष्ट्र नवनिर्माण सेनेच्या वतीने जळगाव शहरातील स्वच्छता कर्मचाऱ्यांचा विशेष सन्मान करण्यात आला. सध्या जळगावचे तापमान तब्बल ४४ अंश सेल्सिअस पर्यंत पोहोचले असून, या भीषण उन्हातही शहर स्वच्छ ठेवण्यासाठी अहोरात्र कष्ट करणाऱ्या या ‘आरोग्य दूतांना’ मनसेने कृतज्ञतेची साद घातली.
रस्त्यावर काम करणाऱ्या या कर्मचाऱ्यांप्रती आदर व्यक्त करण्यासाठी मनसे पदाधिकाऱ्यांनी त्यांना गुलाबाचे फूल आणि पिण्याच्या गार पाण्याची बाटली देऊन सन्मानित केले. “जगाचा पोशिंदा शेतकरी असला, तरी शहराचे आरोग्य या कर्मचाऱ्यांच्या हातात आहे,” अशी भावना यावेळी व्यक्त करण्यात आली.
या उपक्रमाचे नियोजन मनसेचे उपमहानगर अध्यक्ष राजेंद्र निकम यांनी केले होते. कार्यक्रमाला मनसे नेते ॲड. जयप्रकाश बाविस्कर यांची प्रमुख उपस्थिती होती. तसेच यावेळी खालील पदाधिकारी उपस्थित होते:
ॲड. जमील देशपांडे (जिल्हाध्यक्ष)
विनोद शिंदे (महानगराध्यक्ष)
श्रीकृष्ण मेंगडे (उपमहानगर अध्यक्ष)
ललित शर्मा, प्रकाश जोशी, पंकज चौधरी, विकास पात्रे, जयेश मराठे, शुभम भावसार आणि इतर कार्यकर्ते.
”केवळ एका दिवसाचा सन्मान नको”
याप्रसंगी बोलताना मनसे पदाधिकाऱ्यांनी सांगितले की, समाजाच्या आरोग्याची धुरा सांभाळणाऱ्या या कामगारांचा सन्मान केवळ १ मे पुरता मर्यादित न राहता वर्षभर जपला पाहिजे. भीषण उष्णतेची तमा न बाळगता काम करणाऱ्या या कर्मचाऱ्यांचा आदर करणे ही प्रत्येक जळगावकर नागरिकाची नैतिक जबाबदारी आहे.
”शहर स्वच्छ आणि सुंदर ठेवण्यासाठी जीवाची पर्वा न करता काम करणाऱ्या स्वच्छता कर्मचाऱ्यांचे योगदान अत्यंत मोलाचे आहे. त्यांच्या कार्याला आमचा मानाचा मुजरा!”
