जळगाव : सोने भावात वाढीनंतर आज बुधवार, २३ रोजी घसरण दिसून येत आहे. २४ कॅरेट, २२ कॅरेट आणि १८ कॅरेट सोन्याचे भाव नेमके काय आहेत. तसेच नेमकी किती रुपयांनी घसरण झालीय? चला जाणून घेऊया.
अमेरिका व चीन यांच्यातील व्यापार युद्धामुळे सोने भावाला दररोज नवी झळाळी पाहायला मिळाली. चीनने डॉलरची विक्री करत सोने खरेदी करणे वाढविल्याने सोने भावात तेजी येत असल्याचे सुवर्ण व्यावसायिकांकडून सांगितले जात आहे.
मंगळवारी सकाळच्या सत्रात सोने दोन हजार रुपयांनी वधारून ९९ हजार ३०० रुपये प्रति तोळा झाले. त्यानंतर दुपारी त्यात ५०० रुपयांची घसरण झाली. मात्र, संध्याकाळी पुन्हा २०० रुपयांची वाढ होऊन ते ९९ हजार रुपये प्रति तोळ्यावर स्थिरावले. मंगळवारच्या संध्याकाळच्या भावानुसार जळगाव सुवर्णपेठेत एक तोळे सोने जीएसटीसह एक लाख एक हजार ३५० रुपयांवर पोहोचले.
दरम्यान, आज बुधवार, २३ रोजी घसरण दिसून येत आहे. २४ कॅरेट सोन्याच्या दरात ३००० रुपयांची घसरण झाली आहे. यामुळे हा दर एक लाख एक हजार ३५० रुपयांवरुन ९८ हजार ३५० रुपये प्रति १० ग्रॅम इतका झाला आहे. तर १० ग्रॅम २२ कॅरेट सोन्याच्या दरात २ हजार ७५० रुपयांनी घसरण झाली आहे. यामुळे हा दर ९२ हजार ९०० रुपयांवरुन ९० हजार १५० रुपये प्रति १० ग्रॅम इतका झाला आहे.
दुसरीकडे मंगळवारी चांदीच्याही भावात दोनवेळा बदल झाला. सकाळच्या सत्रात चांदीचे भाव दोन हजारांनी कमी होऊन ९५ हजार ५०० रुपये प्रति तोळ्यावर आले होते. त्यानंतर संध्याकाळी त्यात एक हजार रुपयांची वाढ झाली. त्यामुळे चांदी ९६ हजार ५०० रुपये प्रति किलोवर पोहोचली.
