ब्लू डार्टची ऐतिहासिक कामगिरी; संपूर्ण भारतात १० लाख वृक्षारोपणाचा टप्पा पूर्ण…!

‘ब्लू डार्ट एक्सप्रेस लिमिटेड’ ही अग्रगण्य एक्सप्रेस एअर आणि एकात्मिक वाहतूक व वितरण कंपनीने आज एक महत्त्वाचा टप्पा गाठला आहे. कंपनीने संपूर्ण भारतात १० लाख वृक्षांचे रोपण करून पर्यावरणाच्या दृष्टीने मोठी कामगिरी केली आहे. या उपक्रमातून पर्यावरणाचे रक्षण आणि समाजाच्या प्रगतीसाठी कंपनीची बांधिलकी दिसून येते.

ही देशव्यापी मोहीम गेल्या काही वर्षांपासून दोन मुख्य उद्देशांनी राबवण्यात आली आहे. यातून एकीकडे पर्यावरणाचे रक्षण होऊन निसर्गाचा समतोल राखला जात आहे, तर दुसरीकडे शेतकऱ्यांना उत्पन्नाचे कायमस्वरूपी साधन उपलब्ध करून दिले जात आहे. ही १० लाख झाडे जेव्हा पूर्णपणे मोठी होतील, तेव्हा ती दरवर्षी सुमारे २०,००० टन कार्बन डायऑक्साइड शोषून घेतील असा अंदाज आहे. यामुळे पर्यावरणाचे रक्षण होण्यास मदत होईल आणि भारताच्या जागतिक पर्यावरणीय उद्दिष्टांनाही बळ मिळेल.

केवळ कार्बन कमी करणे इतकाच या प्रकल्पाचा उद्देश नसून, निसर्गाचा समतोल (Ecological Balance) राखण्यातही याची महत्त्वाची भूमिका आहे. या वृक्षारोपणामुळे जमिनीचा कस वाढतो, जमिनीची धूप थांबते आणि जमिनीतील पाणी साठवून ठेवण्याची क्षमता वाढते. तसेच, ही झाडे प्रदूषके शोषून घेऊन आणि प्राणवायू (ऑक्सिजन) सोडून हवेची गुणवत्ता सुधारण्यास मदत करतात. स्थानिक हवामान स्थिर ठेवल्यामुळे आणि जलचक्र सुधारल्यामुळे पर्यावरणाचे दीर्घकालीन रक्षण होणार आहे. याशिवाय, हा उपक्रम संयुक्त राष्ट्रांच्या शाश्वत विकास उद्दिष्टांशी (SDGs) सुसंगत आहे, विशेषतः हवामान कृती (SDG 13), जमिनीवरील जीवन (SDG 15), जबाबदार उपभोग आणि उत्पादन (SDG 12) आणि भूकमुक्ती (SDG 2) यांवर यात भर देण्यात आला आहे.

या महत्त्वाच्या टप्प्यावर भाष्य करताना, मॅनेजिंग डायरेक्टर बाल्फूर मॅन्युएल म्हणाले, “१० लाख झाडे लावण्याचा हा टप्पा गाठणे, हे भारताचे कार्बन उत्सर्जन कमी करण्याच्या आणि हवामान बदलाचा सामना करण्याच्या उद्दिष्टांना पाठिंबा देण्याच्या आमच्या वचनबद्धतेतील एक मोठे पाऊल आहे. देशातील सर्वात मोठ्या लॉजिस्टिक नेटवर्क्सपैकी एक म्हणून, ‘लो-कार्बन’ (कमी कार्बन उत्सर्जन असलेल्या) भविष्यासाठी योगदान देणे ही आमची जबाबदारी असल्याचे आम्ही मानतो.
मोठ्या प्रमाणावर हरित क्षेत्र (Green Cover) वाढवल्याने केवळ देशाच्या कार्बनमुक्तीच्या (Decarbonisation) महत्त्वाकांक्षेलाच मदत होत नाही, तर पर्यावरणाची दीर्घकालीन शाश्वतता देखील मजबूत होते. तितकेच महत्त्वाचे म्हणजे, आमच्या या उपक्रमाने शेतकऱ्यांना शाश्वत पद्धती आणि दीर्घकालीन उत्पन्नाच्या संधी देऊन ग्रामीण भागातील उपजीविका अधिक सक्षम केली आहे. आमच्यासाठी, पर्यावरणाचे रक्षण हे मोजता येण्याजोगे, सर्वसमावेशक आणि भारताच्या लवचिक व शाश्वत अर्थव्यवस्था उभारण्याच्या ध्येयाशी सुसंगत असले पाहिजे.”

या कार्यक्रमाचे सर्वात मोठे वैशिष्ट्य म्हणजे शेतकऱ्यांच्या क्षमता विकासावर दिलेला भर होय. या उपक्रमाचा लाभ घेणाऱ्या शेतकऱ्यांना वृक्षारोपण, झाडांची निगा राखणे, सेंद्रिय शेती, आच्छादन (Mulching), छाटणी, कीड नियंत्रण आणि पाणी बचतीच्या तंत्रांबाबत रीतसर प्रशिक्षण दिले जाते. प्रात्यक्षिक प्लॉट्स आणि कार्यशाळांच्या माध्यमातून शेतकऱ्यांना प्रत्यक्ष अनुभव मिळतो, ज्यामुळे हा प्रकल्प दीर्घकाळ टिकतो आणि त्यांच्या उत्पन्नातही वाढ होते.

१० लाख वृक्षारोपणाचा हा टप्पा गाठणे, हे पर्यावरणाची जबाबदारी आणि सर्वांगीण विकास यांची सांगड घालण्याच्या ब्लू डार्टच्या प्रयत्नांचे फळ आहे. याद्वारे निसर्गाचा समतोल राखला जात आहे, समाजाला आधार मिळत आहे आणि एका हिरव्यागार भविष्यासाठी मोठे योगदान दिले जात आहे.