---Advertisement---
महाराष्ट्राचे उपमुख्यमंत्री अजित पवार यांचा आज सकाळी विमान अपघातात दुर्दैवी मृत्यू झाला. मुंबईहून बारामती कडे निघालेल्या विमानात तांत्रिक बिघाड झाल्याने हा अपघात झाल्याची माहिती असून या विमान अपघाताचे सीसीटीव्ही फुटेज समोर आले आहेत. या सीसीटीव्ही फुटेज मध्ये स्पष्ट दिसतय की अजित पवार यांचे विमान जमिनीवर आदळलं आणि मोठा स्फोट झाला. स्फोटानंतर आगीच्या ज्वाळा पसरल्या. भीषण अपघातामध्ये उपमुख्यमंत्री अजित पवार यांच्यासह एकूण पाच जणांचा मृत्यू झालाय. सकाळी 8.46 वाजता विमानाचा अपघात झाल्याची माहिती सीसीटीव्ही फुटेजमध्ये रेकॉर्ड झाली आहे.
बारामतीत झालेल्या या विमान दुर्घटनेत पाच जणांचा मृत्यू….
उपमुख्यमंत्री अजित पवार बारामतीमध्ये जिल्हा परिषदा निवडणुकांच्या पार्श्वभूमीवर प्रचारार्थ जाहीर सभांना संबोधित करणार होते. पण त्या आधीच काळाने त्यांच्यावर घाला घातला. अपघातानंतर स्थानिक लोक तातडीने घटनास्थळी दाखल झाले, पण तोपर्यंत बराच उशीर झाला होता. विमान धावपट्टीच्या अलीकडेच कोसळून विमानाचे दोन भाग झाले होते. या दुर्घटनेतील सर्व मृतदेह वाईटरित्या जळलेले होते.
या सीसीटीव्ही फुटेजच्या व्हिडीओमध्ये काय आहे ?
विमान जसे जमिनीवर आदळले तसा मोठा स्फोट झाला. आगीचा भडका उडला, आगीच्या ज्वाळा आणि धुराचे लोट परिसरात पसरले. विमानाचे तुकडे सर्वत्र विखुरले गेले. दुर्घटनास्थळी कागदपत्र आणि फाइल पडलेल्या होत्या. दुर्घटनेनंतर मृतदेह बारामतीच्या हॉस्पिटलमध्ये दाखल करण्यात आले.
अपघात ग्रस्त हे विमान कोणाच्या मालकीचे व त्याचं नाव काय ?
उपमुख्यमंत्री अजित पवार ज्या विमानातून प्रवास करत होते. ते विमान VSR (व्हीएसआर) या खाजगी कंपनीच्या मालकीचे होते. लिअरजेट 45 (Learjet 45) हे या विमानाचे मॉडेल होते. ही विमाने प्रामुख्याने खाजगी प्रवासासाठी वापरली जातात. ते विमान अत्याधुनिक जेट स्वरुपातील होते. VT-SSK असा या विमानाचा नोंदणी क्रमांक होता. या विमानाचे कॅप्टन रोहित सिंग होते. या विमान कंपनीचे मालक व्ही. के. सिंग हे आहेत. या विमानात उपमुख्यमंत्र्यांसह एकूण पाच जण मुंबई ते बारामती प्रवास करत होते.
