---Advertisement---
दोंडाईचा येथे रोटरी क्लब ऑफ दोंडाईचा सिनियर्स, डॉ. रतनसिंग मुणोत अहिंसा हॉस्पिटल आणि रोटरी आय हॉस्पिटल यांच्या संयुक्त विद्यमाने संधिवात आणि पक्षाघात या आजारांसाठी मोफत आरोग्य शिबिराचे आयोजन करण्यात आले होते. या शिबिरात एकूण 128 रुग्णांची तपासणी करण्यात आली.
शिबिराचे उद्घाटन आयुर्वेदाचार्य डॉ. सुभाष पंचभाई यांच्या हस्ते झाले. यावेळी माजी नगराध्यक्ष विक्रम पाटील, नगरसेवक हितेंद्र महाले, रोटरी क्लबचे अध्यक्ष प्रविण महाजन, डॉ. मुकुंद सोहनी, सुरेश जैन, तसेच इतर मान्यवर उपस्थित होते.
प्रास्ताविकात प्रविण महाजन यांनी सांगितले की, रोटरी क्लबतर्फे दरवर्षी विविध आरोग्य शिबिरांचे आयोजन केले जाते. नागरिकांना आजारांबाबत जागरूकता निर्माण व्हावी आणि योग्य वेळी उपचार मिळावेत हा या उपक्रमाचा उद्देश आहे.
यावेळी डॉ. सुभाष पंचभाई यांनी आयुर्वेदातील उपचार पद्धतीबाबत मार्गदर्शन केले. त्यांनी सांगितले की संधिवात आणि पक्षाघात यांसारख्या आजारांमध्ये शरीरातील वातदोष वाढणे हे मुख्य कारण मानले जाते. योग्य औषधोपचार, मालिश, पंचकर्म उपचार आणि संतुलित आहार यांच्या मदतीने या आजारांवर नियंत्रण मिळवता येऊ शकते.
---Advertisement---
शिबिरात आयुर्वेदाचार्य डॉ. सुभाष पंचभाई आणि डॉ. धनंजय पंचभाई यांनी रुग्णांची तपासणी केली. तसेच गंभीर रुग्णांना पुढील सात दिवस डॉ. रतनसिंग मुणोत अहिंसा हॉस्पिटल येथे मोफत उपचार देण्यात येणार असल्याची माहिती आयोजकांनी दिली.
या शिबिराच्या यशस्वी आयोजनासाठी रोटरी क्लबचे पदाधिकारी, डॉक्टर आणि कर्मचाऱ्यांनी विशेष परिश्रम घेतले.
