---Advertisement---
जळगाव शहरात गुढीपाडव्याच्या शुभमुहूर्तावर जगतगुरू नरेंद्राचार्य महाराज यांच्या अनुयायांतर्फे भव्य शोभायात्रेचे आयोजन करण्यात आले. चैत्र शुद्ध प्रतिपदा हा साडेतीन मुहूर्तांपैकी एक मानला जात असल्याने नववर्षाचे स्वागत मोठ्या उत्साहात करण्यात आले.
या शोभायात्रेत सहभागी झालेल्या अनुयायांनी पारंपारिक वेशभूषा परिधान करून संस्कृतीचे दर्शन घडवले. ढोल-ताशांच्या गजरात आणि लेझीमच्या तालावर संपूर्ण परिसर दुमदुमून गेला. आकर्षक सजावट, भगवे झेंडे आणि धार्मिक घोषणांनी वातावरण भक्तिमय झाले होते.
नरेंद्र महाराज यांच्या अनुयायांनी मोठ्या संख्येने उपस्थित राहून नववर्षाचा आनंदोत्सव साजरा केला. शहरातील विविध भागातून काढण्यात आलेल्या या मिरवणुकीला नागरिकांनीही उत्स्फूर्त प्रतिसाद दिला.
गुढीपाडव्याच्या निमित्ताने आयोजित या शोभायात्रेमुळे जळगाव शहरात उत्साहाचे आणि आनंदाचे वातावरण निर्माण झाले होते.
