---Advertisement---
भारतीय औषधनिर्माण क्षेत्रातील आघाडीची कंपनी लिंकन फार्मास्युटिकल्स लिमिटेडने आर्थिक वर्ष 2025-26 साठी दमदार आर्थिक निकाल जाहीर करत गुंतवणूकदारांचा विश्वास अधिक मजबूत केला आहे. कंपनीने या कालावधीत 87.89 कोटी रुपयांचा निव्वळ नफा (PAT) नोंदवला असून महसूल, नफा आणि EBITDA मध्ये लक्षणीय वाढ साध्य केली आहे.
कंपनीच्या संचालक मंडळाने भागधारकांसाठी आर्थिक वर्ष 2025-26 साठी 18 टक्के लाभांश जाहीर करण्याची शिफारस केली आहे. 10 रुपये दर्शनी मूल्य असलेल्या प्रत्येक शेअरवर 1.80 रुपये लाभांश देण्यात येणार आहे. त्यामुळे गुंतवणूकदारांमध्ये उत्साहाचे वातावरण आहे.
लिंकन फार्माच्या मजबूत आर्थिक कामगिरीमुळे परदेशी संस्थात्मक गुंतवणूकदारांचा (FIIs) कंपनीवरील विश्वास वाढला आहे. 31 मार्च 2026 पर्यंत FIIs चा हिस्सा 5.20 टक्क्यांवर पोहोचला असून देशांतर्गत संस्थात्मक गुंतवणूकदारांचा (DIIs) हिस्सा 1.08 टक्के नोंदवण्यात आला आहे.
रिमो कॅपिटल फंड एलपीकडे कंपनीतील 1.33 टक्के हिस्सा असून ग्रीन्क्स वेल्थ मल्टीव्हॅरिझॉन अपॉर्च्युनिटी फंडकडे 1.07 टक्के हिस्सेदारी आहे. या गुंतवणुकीमुळे कंपनीच्या भविष्यातील वाढीबाबत बाजारात सकारात्मक संकेत मिळत आहेत.
कंपनीने पुढील तीन वर्षांत 1000 कोटी रुपयांचा महसूल गाठण्याचे महत्त्वाकांक्षी लक्ष्य ठेवले आहे. हृदयविकार, मधुमेह, त्वचाविकार आणि ईएनटी क्षेत्रातील उच्च-मूल्य उत्पादनांवर विशेष भर देत 15 ते 18 टक्के वार्षिक वाढीचा दर साध्य करण्याची रणनीती आखण्यात आली आहे.
कंपनीचे संचालक मुंजाल पटेल यांनी सांगितले की, बाजारपेठेतील वाढती मागणी आणि कार्यक्षम व्यवस्थापनामुळे कंपनीने आर्थिक वर्ष 2026 मध्ये उत्कृष्ट कामगिरी केली आहे. संशोधन, उत्पादन विस्तार आणि नव्या बाजारपेठांमध्ये प्रवेश यावर कंपनीचा विशेष भर राहणार आहे. कंपनीचा ताळेबंद पूर्णपणे कर्जमुक्त असल्याने भविष्यातील विस्तारासाठी भक्कम आर्थिक पाया उपलब्ध असल्याचे त्यांनी स्पष्ट केले.
सध्या लिंकन फार्मा 60 हून अधिक देशांमध्ये औषधांची निर्यात करत असून पुढील दोन ते तीन वर्षांत हा विस्तार 90 देशांपर्यंत नेण्याचा मानस आहे. पूर्व आणि पश्चिम आफ्रिका, मध्य व उत्तर अमेरिका, लॅटिन अमेरिका तसेच आग्नेय आशियामध्ये कंपनीची उपस्थिती सातत्याने वाढत आहे.
दरम्यान, क्रिसिल रेटिंग्जने कंपनीच्या बँक सुविधांसाठी दिलेले ‘CRISIL A/Stable/CRISIL A1’ रेटिंग कायम ठेवले आहे. कंपनीची मजबूत आर्थिक स्थिती, अनुभवी व्यवस्थापन आणि सातत्यपूर्ण वाढीची क्षमता लक्षात घेऊन हे रेटिंग क
