---Advertisement---
यावल तालुक्यातील दुसखेडा येथील तरुणाने एका १६ वर्षीय अल्पवयीन तरुणीस लग्नाचे आमिष दाखवून तिच्यावर लैंगिक अत्याचार केला. ही घटना जानेवारी ते जून २०२५ दरम्यान घडली. याप्रकरणी फैजपूर पोलीस ठाण्यात चेतन अमोल सोनवणे रा. दुसखेडा या तरुणावर गुन्हा दाखल करण्यात आला आहे.
मिळालेली माहिती अशी की, यावल तालुक्यातील एका गावातील १६ वर्षीय अल्पवयीन तरुणीला चेतन अमोल सोनवणे रा. दुसखेडा (ता. यावल) याने लग्नाचे आमिष दाखवून तिच्यावर लैंगिक अत्याचार केला. त्यानंतर तिला जबरीने पळवून मुलीच्या मुक्ताईनगरच्या जंगलात नेऊन तेथेही तिच्यावर लैंगिक अत्याचार केला.
घडलेला प्रकार तरुण अल्पवयीन मुलीने आपल्या कुटुंबात सांगितला. त्यासंदर्भात पीडित कुटुंबीयांनी फैजपूर पोलिसात तक्रार दाखल केली. पीडित अल्पवयीन मुलीच्या आईच्या फिर्यादीवरून चेतन अमोल सोनवणे रा. दुसखेडा (ता. यावल) या तरुणाविरुद्ध फैजपूर पोलिसात बालकांचे फैजपूर पोलिसात बालकांचे लैंगिक अत्याचारापासून संरक्षण कायदा कलमान्वये गुन्हा दाखल करण्यात आला आहे. तपास सपोनि रामेश्वर मोताळे यांच्या मार्गदर्शनाखाली पोलीस उपनिरीक्षक विनोद गाभणे हे करीत आहेत.
