जिल्ह्यात पोलीस अधिकाऱ्यांच्या बदल्या; दोन उपअधीक्षक नव्याने रुजू होणार

जळगाव : महाराष्ट्र पोलीस दलात अधिकाऱ्यांच्या बदल्या आणि पदस्थापनांसंदर्भात शासनाच्या गृह विभागाने परिपत्रक काढले आहे. पोलीस उपअधिक्षक, सहायक पोलीस आयुक्त (निःशस्त्र) यासंवर्गातील ६५ अधिकाऱ्यांच्या बदलीचे आदेश गुरुवारी (३१ जुलै) निघाले आहेत. जळगाव जिल्ह्यात दोन उपअधिक्षक नव्याने रुजु होणार आहेत.

चाळीसगाव उपविभागीय पोलीस अधिकारी म्हणून विजय ठाकुरवाड, मुक्ताईनगर उपविभागीय पोलीस अधिकारी म्हणून बापू रोहोम यांची बदली करण्यात आली आहे. या दोन्ही अधिकाऱ्यांनी यापूर्वी जळगाव पोलीस दलात कामगिरीतून व्यक्तीमत्वाचा ठसा उमटविला आहे. जळगाव शहर उपविभागीय पोलीस अधिकारी संदीप गावित यांची भुसावळ शहर उपविभागीय पोलीस अधिकारी म्हणून बदली करण्यात आली आहे.

राज्य शासनाने पोलीस उप अधीक्षक / सहा. पोलीस आयुक्त (निःशस्त्र)” या संवर्गातील ६५ अधिकाऱ्यांच्या बदलीचे आदेश गुरुवारी जारी केले आहेत. त्यात जळगाव शहर उपविभागीय पोलीस अधिकारी संदीप गावीत यांची भुसावळ शहर उपविभागीय पोलीस अधिकारी म्हणून बदली करण्यात आली आहे. त्यांच्या रिक्तपदी कोणाची नेमणूक करण्यात आलेली नाही.

जळगाव जिल्ह्यात बाहेरून २ उपअधीक्षक येणार असून त्यात चाळीसगाव उपविभागीय पोलीस अधिकारी म्हणून विजय ठाकुरवाड तर नागपूर ग्रामीण येथून बापू रोहोम यांची मुक्ताईनगर उपविभागीय पोलीस अधिकारी म्हणून बदली करण्यात आली आहे. या दोन्ही अधिकाऱ्यांनी यापूर्वी जळगाव जिल्ह्यात काम केले आहे.