---Advertisement---
जळगाव : भवरलाल ॲण्ड कांताबाई जैन फाऊंडेशन व युवाशक्ती फाऊंडेशन यांच्या संयुक्त विद्यमाने शनिवारी (16 ऑगस्ट ) रोजी कै. बॅरिस्टर निकम चौक मैदान (सागर पार्क) येथे युवतींच्या दहीहंडीचे आयोजन करण्यात आले आहे. याकरिता दहीहंडी उत्सव समिती गठीत करण्यात आली असून समितीच्या अध्यक्षपदी डॉ. कल्याणी नागुलकर तर सचिवपदी प्रा. शमा सराफ यांची निवड करण्यात आली आहे.
युवतींच्या दहीहंडीचे यंदा १७ वे वर्ष असून दहीहंडी सारख्या मोठ्या उत्सवात पुरूषांप्रमाणे युवतींचा सहभाग वाढावा व त्यांना हक्काचे व्यासपीठ मिळावे या उद्देशाने ही दहींहंडी सुरू करण्यात आली आहे. मानवी मनोरे बनविणे या क्रीडा प्रकाराला महाराष्ट्र शासनातर्फे साहसी खेळाचा दर्जा देण्यात आला आहे. संपूर्ण महाराष्ट्रात ही एकमेव युवतींची दहीहंडी साजरी होत असते.
कार्यकारीणी पुढीलप्रमाणे-
अध्यक्ष-डॉ. कल्याणी नागूलकर, उपाध्यक्ष-डॉ. अनिता पाटील, लेफ्टनंट डॉ. हेमाक्षी वानखेडे, डॉ कल्याणी मोहरील, सचिव-प्रा. क्षमा सराफ, स्वागत समिती प्रमुख-डॉ. सोनाली महाजन, लिना पवार, खजिनदार-निलम जोशी, सहसचिव-हर्षाली चौधरी, संध्या कांकरीया, प्रसिद्धी प्रमुख-यामिनी कुळकर्णी, सदस्या-चेतना नन्नवरे, प्रा. श्रीया कोगटा, क्रिस्टाबेल परेरा.
